a glimpse within vapors and visions

Chris Cunningham

2010-07-18T22:57:00.004+08:00

貼吓歌仔欺埸先。我最喜歡的MV導演，Chris Cunningham。

Only You - Portishead

看戲 - 吹水

2010-02-09T04:39:00.008+08:00

上星期某日興之所至，我想，不如去看套戲，自己一個人。

這是我第一次獨自看戲，感覺很好，很自由。以前常容易被各種多餘想法袢到，而不去做自己想做的事情；這句話這樣說好不好？做不做這個決定？會否把事情弄歪了？簡單的事，想一千萬遍，機關算盡，卻偏偏就不踏出去，最後就此作罷，事情徒然成為各種可能的想像及疑問。

而實情是結果往往是不能推測。如果可以推測的，通常都是規劃出來的結果。細個時常被阿媽喝住：唔準點樣，你要點樣點樣。愈喝態度愈反叛，又好奇，如果做了又會點呢？

我有好多想法，好多問題，如果找到一個答案卻未能滿足我，我仍會追問下去。當然好多事情都不會有完滿答案，但我通常都要看到答案的邊界為止才肯罷休。

說回看戲，我的口味上偏好藝術片和類型片，普遍朋友都不算太好此道，俛强揾朋友陪我睇，大家看不出同樣的興味我覺得沒意思，不如自己搞掂。我的興趣較小眾但仍不算偏，有一朋友比我更辟，他買了幾張高達（ok, 法國果個)，笑說這套黑白片有個十幾分鐘定鏡位挺有趣，我心諗～係牙。高達的電影，如果沒看過幾本論述，大概都唔知佢噏乜。朋友又喜歡conceptual野，試過同我提起John Cage嘅4'33，一首靜默四分三十三秒的樂章。如果唔係上堂阿sir提起，我又係唔知佢噏乜。不過朋友依家漸離此道，轉修夜場和媾女。原因大概容易理解，無幾個同道一起文藝（as verb)，純自修好鬼容易自閉，藉藝術觀照情感，不如落場踼真波好過打winning。而我就悶慣，睇吓可以再悶多幾耐先頂唔順。

愈寫愈不知所云，由起初有意鋪陳寫到變咗閒聊吹水。有機會寫吓我睇果套Broken Embrace。

少年

2009-12-20T01:54:00.002+08:00

利智達早前在明周副刊裡刊載了一篇漫畫，我看了覺得很好，常想把它放上來郤找不到。那篇漫畫很短，一頁紙已，而且沒有半句對白，題目名叫『少年』。內容很簡單，姑且把它寫下來吧。

＊＊＊

在憧憧密佈的高大身影裡，黑壓壓地困住了一少年。少年想擠點空間走出去，可是未被大人們所察覺，大人只是繼續沉著臉趕自己的忙，急速地在他身旁穿梳。少年像隻流浪貓一樣，懼怕地捲著身子，在人群中被推擁碰撞，甚至被痛狠地撞倒在地上。他喘著氣狼狽地站起來，滿心不忿奮力把旁人推開。最後，少年咬緊牙關，用盡所有力氣把自己推撞出身影以外，他興奮地一躍而過，撞破了一幅鏡子，落下一地的碎片。

＊＊＊

之前又停寫了一段日子，我在想要不要簡短地寫一下這段日子在幹甚麼，抑或像老樣子一句不講，話來就來話走就走。在我眼內之前的好多篇與篇之間根本不連接，態度也很迴異，簡直像幾個人。其實之間發生了很多事情，在有段時間，基本上有一整年都是神經緊張地過，工作是其中原因之一，但更主要的是一些像陰霾般的問題，套『少年』裡的故事作比喻的話，最煩擾我的就是那些身影。仔細內容不消提了，事情可說是很細碎，提來也沒有意思，因為那些是類近個人的偏執或幼稚罷。而為了砸爛我那塊鏡，同時間好像也破壞了一些東西，好像傷害了一些關係。其實也有多少後悔，希望我是對的吧。

what a life

2009-10-22T01:46:00.004+08:00

Stay Busy, just leave something here to keep this blog alive.

Read this

/唐英年倡融合一億人市場珠三角將最具經濟活力 (from頭條日報)

他相信，一個每月二萬元收入的家庭，若在香港居住，可能生活質素一般，但「他住在深圳龍華，兩萬元生活質素一定比現在好。我覺得咁樣是以民為本，能令市民的生活質素得到提升。可能有人話我們加多些人工畀他們就得啦，這不是長遠最好的方法，我剛才講是一個好大好策略性的方向，而這個方向我們是可以做得到的。」/

What I want to say is F__k You. I have no interest in living in China YET. Please say something reasonable Officers.

Yet another news
/Countries with the Biggest Gaps Between Rich and Poor

Is it a sane city?
Somewhere tells that the average salary of Hong Kong people are $11,000, and that mine is below that. And maybe you know that as a poor in Hong Kong do not deserve a living. Maybe I should go to hell.

whew~

2009-10-03T01:55:00.011+08:00

Dashboard Confessional - Hands Down

One of my favourite bands. Vindicated is a nice song too.

+++

Relieved, I think I am starting to be capable of handling stuffs, though a bit late.

Happy Mid-Autumn!

Art history make-up class (2)

2009-09-14T00:27:00.004+08:00

Sorry for my writing style keep shifting between Chinese and English, written and spoken languages. I usually just pick what comes to my mind. It may somehow reflects the states of my mind. Anyway, who cares what and how I write? Especially on these boring topics. I should stop pretending I have readers.

Modern Art is really a dated topic, it's hardly to be seen in medias today. The "Modern Art" I am talking about are those artists like Duchamp and Picasso. But in academy, like Fine Art and Design, it's still adopted in the course cause obviously they have some importances in Art Histroy, if you don't know their works then you can't understand Modern Art.

One of most important work of Modern Art is Duchamp's Fountain/ Urinal. It brought out the question: What is art? Why this urinal couldn't be art? It also implied who have the power to define what is art and what isn't. Why we are prasing those decent paintings rather than this urinal. This is quite a difficult question. It's not just a question of art but also a question of politics and philosophy.

Fountain, 1917, Marcel Duchamp

藝術史補課 (1)

2009-09-01T23:05:00.013+08:00

記得早幾個月前去咗台灣旅行，喺誠品嘅豬肉枱上見到一本書叫Is art history global，無錯又係講全球化。哩d全球化、後殖民嘅理論等等，雖然聽到耳熟能詳，但可見十年後都會有人講緊。正如存在主義存在咗幾十年都仲會間唔中存在喺嘴邊嘅原因一樣，因為哩d理論構成「現代」生活而「現代」仲未過時。

某次去藝術館，見到館名叫做Contemporary Art Museum，諗極都諗唔明乜野係comtemporary，點解唔叫Modern Art Musuem。現在咪就係現代(modern)囉，又搞乜野要叫當代(contemporary)啫。喺好後期先知道原來藝術上嘅modernism泛指某一種特色嘅藝術。簡約，幾何線條，國際性是為modernism特徵，就係哩種大概喺40年代嘅歐洲興起嘅風潮為現今藝術範疇甚至生活形式訂下基礎。即係依家住緊果棟呈垂直長方形嘅樓，喺ikea買由幾塊層板砌成嘅書架，日日番工對住果幾塊遮到腰遮唔到樣嘅partition四方空間就係由modernism度嚟。

Composition with Yellow, Blue, and Red, 1937-42, Piet Mondrian

文化浮想

2009-08-24T03:23:00.000+08:00

常聽說本地要發展創意工業，推動文化，如要興建西九文化區等等等。作為一個普通設計員和市民，我會覺得多餘。話雖如此，推動始終好過沒有行動，即使成效存疑。

記得讀過某書，指殖民地時代偏向貶抑藝術及文化等。藝術及文化涉及思想和批判，若果過於喚起市民的思想，大概會不利於有效管治，於是香港往商業經濟的方向發展。簡單而言的話，政府處事方向的首要判斷的可量化的數字標準，而非抽像的文化考慮。從此論放於現況，大概可解釋本地過度偏重商業及處事高效律的原因，然而這也是本地的優勢。

可是過度偏重而缺乏文化方面的發展就出現問題。像小孩偏修算術不讀中英文，其利弊可見於其缺乏數字以外的判斷能力。而政府慣於量化的思考模式，文化方面的認知基礎甚弱及對現況觸角極慢，還未弄清推動的方向，及往某方向推動的原因就實踐，於我看來費時失事又浪費資源。

反觀商家的市場觸角敏銳得多，商家以利益為先，熟知現今市埸往文化消費的方向走，講求享受品味，消費體驗。實際的物慾已經難以推動消費品，甚至乎需要消費品的文化想像，比方說是某名師設計，某國製造及由於某種理念而生產等。以商場為例，大小商場近年都興起與藝術家或品牌合作搞展覽，或舉辦其他文化活動。其目的就在於吸引客源和提升商場的格調。這方法某程度上可推動文化，而且可見比政府推行得更好，因為商場比政府更懂得包裝和效益。惟商場只會選擇商業價值高的活動，名氣較小，偏鋒及嚴肅的文化及藝術都難以被採納於商場。全靠商業運作來推廣文化必會帶來某類喜好的偏食現像。

本地的工作和生活模式又尤其病態，普遍都工時長，競爭激烈。打工仔精神都虛耗在職場，幾有閒情思考生活甚至藝術及文化？生活速度又極之迅速，每一種事物快速流過而又離開，興起一個話題然後被另一個蓋過，接過一件產品然後丟棄。文化需要時沉淟發酵才能發展成熟，在急流裡只有速食文化才能生存，任何細緻的東西難以茲長。

走筆至此，才忘了想及為何要推動文化而又要推動甚麼文化，有甚文化值得保存而又如何在商業競爭愈演激烈的環境下保存。而這些才是更複習難答的問題，大概和甚麼是生活，我們又要如何生活一樣難答。

revisions

2009-08-16T02:12:00.011+08:00

revision, correction, modification。
簡單而言即係改改改，從事設計的絕對對此熟悉不過。一個設計由第一稿開始到見街，經歴無數修改。

嗯呢個款好似有d悶，我想睇多兩個款，一個要比較型，一個要elegant一點。
咦呢兩款都幾好，但我兩種感覺都想要，可唔可combine嚟睇吓效果係點？
效果唔錯喎，如果顏色再豐富點會更好，現在看起來不夠醒目。
哎呀，依家隻色太誇張喇，我想改番像之前那樣。

都未夠好。

為了滿足期望，就要不停修改直至可行。確實，最後製成品比第一稿亮眼和成熟，但每次的修改足叫人疲憊。或者，其實第二稿已經夠好，只須稍作潤飾就可，又或者第三稿其實比第四稿更出色。

而我又何時可以見街呢？希望別離原貌太遠。

Battle for the sun

2009-08-13T22:03:00.011+08:00

Placebo - Battle for the sun

開頭聽呢張新碟真係覺得麻麻地，覺得曲風同之前轉變好大，但聽耐咗覺得都okay。
寫完覺得自己好鬼無聊...

Well,

2009-08-07T01:34:00.005+08:00

Moved on

俾你走，又可以走得去邊呢？

咪又係要番工。

/

Radiohead - High and dry

Diary

2009-04-25T18:22:00.002+08:00

You read me

you saw me

you found the essence of me

but I have already moved on

2台舊事

2009-03-17T02:09:00.005+08:00

N年前有過節目叫男上女下，林海峰拍卓韻芝，佢地兩個人講野都好聽但一part埋就硬係無火花。依家林海峰嘅晴朗都唔係咁吸引，係叫做2台有個清晨節目揾個輕鬆角度講吓時事，叫我呢d唔睇新聞嘅人接觸一下時事咁。
講番轉頭其實我想話林海峰喺男上女下度介紹過隊玩bossa nova嘅日本野幾好聽。

Paris Match - Desert Moon

講開又講，揭過吓卓韻芝本Born to be a wittness，覺得麻麻地。個展覽有concept，話每個人基於唔同背景，所以面對一件事都有一個獨特角度，於是乎想好似砌砌圖咁組合番件事出嚟（我估大約係咁啦），所以就揾佢d fren圍繞著香港呢個主題嚟各自做件artwork。佢揀呢個主題太大、太空泛，而每個人獨立自己做自己野又令到成件事散修修，缺乏完整性，於是林林種種嘅artwork表現唔到各種分歧去撐番起最重要嘅主題，無Impact於是留唔到印象。變相似我噏個主題，你地各自做件功課交俾我，到最後變咗本時裝雜誌，樣樣都有，有相有插畫有column，係靚係豐富但你偏偏連上期封面係邊個都唔記得。

其實阿芝都係做電台好，因為佢咩都掂咩都睇，雖然唔精但你起碼會知道多d唔同範疇嘅野同出面興緊d咩。

Busy & Lazy

2009-03-10T00:01:00.006+08:00

Busy & lazy lately, happy things happened in the birthday month. I want to write it down but don't know how to make them into words. Now I can just write something to show I am not dead, yet.

let's write something about music. My fren show me this band Beirut which is quite attractive to me. Their use of instructments like accordion and tubes gives a strong association of the old-world European market. I have had fascinations about Europe since I studied in design school. Not to be pretentious, the art history lessons really dazzled me, I were so into those stories of arts and cultures. Though my imaginations maybe quite different from reality nowadays, to be a backpacker to Europe is still a big dream for me.

Beirut - Nantes

thoughts

2009-02-16T01:18:00.012+08:00

I have to admit I have problem with people, or relationships. I can't give my heart out deeply. Why? Social phobia? Perhaps. Lack of trust? Probably. Pride? Maybe. Self-alienation? In certain level.

Some people may think I am fine, my problem is not a real "problem", or just a minor one. I know~~~ I sometimes persuade myself that way too, but I can't. It's some psychological things stuck in my mind. I feel incomplete, like puzzle missed a piece. I want to complete it desperately.

I am not in a serious condition. I just need to speak it out and admit it, make me no hidding place, no more excuses to justify myself.

At last I have to thank my friends, my family, for their love and positiveness that arousing mine. I don't meant to be a greater person. I just want to strip away my aloof and skeptical tendency towards people. I want to be a man with trust, with love and with faith.

Believe me, I have been making this real for so long.

Flip book

2009-01-31T04:21:00.007+08:00

這是animation堂的功課，畫flip book。
沒有內容及意義，只不過把腦海裡的某些畫面畫下來，及玩弄一下morphing。有時間再執下。

拜年

2009-01-29T05:24:00.003+08:00

母親家那邊是個大家庭，親戚頗多，我們每年總有幾次飯緊聚。年少一點時，我真的很討厭這種緊會，甚至感到害怕；長輩們的責問，情淺的喜言，說得難聽一點我覺得有點虛偽。記得媽說，要嗌人，每個都要，仿佛這是尊重的一種形式。於是乎我就傻傻呆呆的，逐個逐個地的唸大舅父大舅母二舅父母...十數個長輩就終於說完，我想：很無聊啊。
在近幾年，我當然不再這樣逐個逐個稱呼，一句哈囉一句恭喜發財就成了。還慢慢地說清楚？聽的都覺無聊吧，我想。
關於親戚聚會，關於拜年，我曾想可免則免，但其實免不了的。一家團聚這個觀念的已深印在中國人心內，傳統文化透過禮儀傳接下來，雖然有時徒具形式。但不斷重覆的形式，同時間形塑了觀念。重覆的觀念，形成了其中一種真實，虛薄的情義成了實在的感情。
關於人情世故，其實我一點都不懂。甚麼該為甚麼不該為，我只能走著學。廿一世紀，文化散釋。全球化，互聯網，各國的電影。我們喜歡及響往不同的文化及生活方式，同時間在體現它們。這是不同於我們父母親那一代的，上一代仍在承接着傳統，一種正統、主流的生活方式，但我們的價值觀世界觀不同了，也就成了一種世代的觀念分歧。我認為，主流其實已經散失，因而看似紛亂。然而，這才是真正的普世，不是嗎？一百個人，一百種生活，一百種主張，沒有尊橫。透過不同的想法交迸，形成新的價值。邊寫邊想，其實我已經不知道說到那裏去了。只祝願大家都好。

My brother

2009-01-19T03:22:00.006+08:00

My elder brother is living in Sydney, he is a really kind man. In my eyes he means orthodox people, disciplined and generous. Some says he is really good-tempered. Yes he is, he never scolds to me even I did wrong. (Perhaps he figures out scolding to me is useless) He never gets pissed, never anger. Sometimes I think he don't have to be kind like that, it's repressed. You know, in my opinion, there are always some jerks in our life (well may be I am the one).

I would wonder what he sees in his eyes. Visions attached to heart. A kind heart can see beautiful visions. What does he see? I am curious. He should really writes a blog.
We don't talk frequently, I think we are not the talkative type, but I would interested in his words.

I think we can get a bit closer.

生活其實充滿趣味

2009-01-17T15:03:00.000+08:00

寫寫寫

2009-01-17T01:20:00.003+08:00

我想我好了。我對自己和自己的生活終於有認同感，我覺得在參與自己的生活。從前老是覺得生活失實，半身滲在別人的眼中，別人描述的世界裡，自己的想像和響往裡。現在終於有獨立的感覺，獨立但非孤立。我想我其實最需要的是自己對自己的認同。嘩，寫幾句就已經覺得好鬼老套扮野，但實情如此。

裝番google analytics睇吓人流，咦睇睇~真係嚇親，其實真係無乜客仔。我懶孤高係真，話唔想有人嚟睇就勢係假。
喺度先唔怕火羅講句，不如睇開嘅人留個言啦喂。

擺番舊文出嚟，算係對自己同留過言嘅各位有個交代吧。

開慣空頭支票都唔爭在開多張，我會認真d密番d update哩度㗎喇，儘管寫咩都好。

新年快樂

2009-01-01T23:59:00.006+08:00

過去一年轉工加讀書確實有點驚險。很忙嗎很辛苦嗎？有點啦，但不盡是，只是我懶我爛，算是剛出來做事有點不順，對現實又有點理想化而已，間或又和一些怪想法和錯觀念糾纏。算了吧，今年更好。

今日我窩在家中看叱o宅。謝安琪王宛之方大同都是少數我會買碟的歌手，看到他們獲獎我都高興。本來還想寫寫一些八卦，例如謝安琪個look好靚又好襯佢呀，其實我對容祖兒沒有太大興趣但佢真係好鬼有爆炸力又好壓場著住對唔知幾吋嘅高踭鞋都可以行動自如跳嚟跳去好勁呀，個show又點點呀...但有點累，下年叱o宅再寫吧。

祝大家快樂。

灣仔一隅

2008-12-15T01:26:00.004+08:00

一天華富村

2008-12-15T01:00:00.000+08:00

甚麼是設計？我幾乎覺得我不懂得設計。
我只是懂得換換字款，改改擺位而已！悶。

/

今回又是做節日佈置，但不是商場是屋邨，而且不坐寫字樓，是我一個人...落場督工！好了，我認了，我不是甚麼甚麼，我甚麼都不懂，要我和屋邨及工人們打交道，沒幹過！頂硬上囉。
香港那麼大，我只知地鐵沿線。華富二邨？哪裏來的？好像哪年在課本讀過，是香港早期的公屋之一，總之是一個我沒有想過會到的一個地方。離開慣性的辦工室日常，我獨自乘車往未去過的地方幹未幹過的事，感覺就是超現實，禁不住想我在幹啥。巴士停在華貴，我就一路往山上走，穿過華富一邨，街市大排檔，終到達了二邨。六大棟井字形樓宇的門口及大堂，就是我今天的工作。據說那裏有十一度大門十一度側門要貼sticker，還以為是小意思，誰知這屋邨倚山而建，不同的層數可以連到不同的斜坡，換句話說大門可以在地下，側門卻可以在二樓和三樓。四通八達的小路抄來抄去我差點迷了路。

/

整天在這六棟大廈徘徊，我閉上眼都記得它們的名字，華翠華景華興華生華泰華昌。六點鐘，整個佈置只完成了一半！
只因為三四人份的工作只得兩個師傅做。我暗叫不妙，你不是要我在這裏看月光吧？於是我也動起手腳盡量幫忙總比乾著急好。我約了人十點鐘食飯，結果我離開華富的時候是十點鐘。走在巴士站問約四五十歲的巴士司機「有咩車去旺角呀？」「9xx啦」「有無van仔去旺角㗎？」另一個三十出頭的司機搶白道「有㗎，嗱走番落山就有㗎喇」「咁邊架快的呀？」「咁梗係亡命小巴啦！」亡命喎，我躍躍欲試。果然名符其實，不消半句鐘，我的心情還停留在僻靜的華富就已經到達了紛鬧的旺角，又是超現實。

Thinker, on a good day

2008-11-20T02:39:00.006+08:00

堂上素描，羅丹沉思者（微版）

唔夠立體。有些同學的排線和筆觸好乾淨俐落。

描劃感覺

2008-11-14T04:32:00.012+08:00

總覺得應該要寫一些關於設計的事情，怎說我都算從事設計，而讀的也跟設計相關。

寫寫我現在的工作吧，最近比較常接觸的是商場的節日海報及佈置。譬如復活節中秋聖誕新年，商場總得佈置一下來營造節日氣氛催谷消費。我本身是個對節日沒有很大感覺的人，平日少逛商埸，這樣的人如何創作一些關於節日的佈置去吸引另一些人去融入其氣氛？認真頭痕。情況如日常的促銷員嘩啦嘩啦推銷不知名產品，既然你都未能被自己產品說服就拜托不要硬銷我吧。

我先說我認知的理想設計好讓你對我的觀點有些概略的理解，好設計應該力求簡煉，避用不貼題、無關聯及多餘的元素。而節日氣氛是營造的，務求增添吸引力，氣氛越强烈越好。簡單地劃分，好設計是減，節日氣氛的目標是加。兩者對立，那條中間線就難駕馭了。說說一些經驗，早前做關於新年的Sticker佈置，同事常說我的氣氛不夠，感覺好弱好弱。我納悶，心裏覺得我才不想放太多東西進去，尤其是刻意運用那些傳統符號如元寶銅錢蝙蝠，以一個互不關聯的拼貼形式去交織一陣氣氛錯覺。生怕同時間撥亂了那些文化符號的意義。

節日氣氛是抽象的，誰可以擁有它的詮釋權？為何我的節日氣氛就不可以是節日氣氛，又或者為何我的小變革不可以成為新的傳統？純緒亂想而已。爭拗下去沒有意思，各執一辭不會達成共識。那就成了我另一道問題，如何向一個想像的羣眾傳遞一個共同認為合理的節日氣氛。這就夠難了，我必須去了解大眾對其的印象及具備足夠的想像力才能夠準確地描劃出普遍人都認同的好氣氛。憑此一念，我想起阿Sir的一句，「D art director就係要喺幾百張相裏面睇度(感覺到?)分別，然後淨係揀一張嚟用喺個ad度㗎」故亂推想，一個大品牌的brand image如斯精巧，廣告裡要用一幅相片去準確地表現/暗示/建立其形象特質實非易事。印象中Canon的廣告相好靚，至於相片裏有多少符號我就不懂分析了。

秋冬

2008-11-10T01:47:00.009+08:00

這幾日突然翻風，氣温降了許多，不知道秋還是冬天就這樣來了。

還好，我的工作學業也適應過來。

sketches

2008-10-23T23:46:00.009+08:00

很久沒畫畫了，最近有繪畫課因而又間中練畫。還算可以吧？

潛泳在那黑色的海洋（上）

2008-10-08T04:30:00.004+08:00

我坐在床緣

閤上眼

舒一下眉放鬆肩膀

一絲愁緒拉着我的頭髮

然後像大樹倒塌下來

瀑唦一聲就掉進了

那黑色的海洋

我兩腳翻天

心裡面那噸鉛叫我看到陸沉

唔知想點

2008-09-08T03:30:00.014+08:00

上年的這個時候我亳不費勁就能夠吐出千字。現在我光是想像要呆在螢光幕面前按一個小時鍵盤也叫辛苦。我多麼想再認認真真打一篇網誌，把想法和生活作個紀錄。奈何腦內積存的都是一些斷續的句子，即使如何努力都難以把它們連貫建立起來，似乎思想仍未蘊釀形成。

在近期的生活我感到不安，我想擺脫一些甚麼，我在尋找一些甚麼，我企圖想改變一些甚麼。想得太多，多得我也不知道其中有多少是對還是錯。莫名其妙的焦慮把生活細碎都化作杯弓蛇影，胡思亂想累壞了身心。不安的原因大概難以查證了，隨口丟個理由大概又是生活枯燥呆板，更合理的因由是今年換了新工作，工作性質和之前大相徑庭，我似懂未精地去幹而效果又未如理想，無形中添了許多壓力。其二是剛報讀了一個三年的兼讀制的課程，介時廿八歲才Hi-dip畢業，莫不替自己抺一把汗。我可歸疚些甚麼呢，再說又是那些虛擲青春的喃喃自語的廢話，我自己都說得厭倦了。不如告訴自己嘩我依家幾積極呀似乎更能推動自己。

我的心理質素向來不佳，生活的轉變與及急速把我的腦袋擠壓造成短路。忽然間同情那位巴士阿叔，你有壓力我有壓力你做乜要挑釁我呀。那偏執的神經强行把那個卑微的輕聲要求詮釋為挑釁，然後更順水推舟地把那日常的積壓化作洪水如缺隄般狂妄地激烈傾瀉。社會壓力如斯抽像而且由無數細碎組成，要罵也不知從何罵起，難道叫佢mark低一張便條然後指向天上的月光逐一嚎叫指罵嗎？還是實在的活生生的有反應的對像來得容易入手，於是乎無辜的四眼仔不幸成為了誘因，代替社會儼然接受那迂迴曲折的社會控訴。錯不在四眼仔，只不過命運要他硬生吞下那棵俄羅斯輪盤的子彈罷了。巴士阿叔的極端態度固然很有問題，但徵結還是這個難以名狀的問題社會。

再寫下去大概會成為一部B級電影；作者起初自述生活，然後以偽社會學家的口吻剖析及投射出對那巴士阿叔的奇異同情，自以為的幽默卻因為事件的過時而難以令人投入，再以錯步走入解構自身甚至解構出自身所被解構主義所困惑和牢禁從而展示出解構主義的限制和"a little knowledge is a danger"，作出了一個未夠道行的門外漢的危險示範。種種落差帶來一個荒誕的位置，把作者推向一個偏離原本想寫嘅野但又唔知點樣收筆嘅死位。

唯有解構再解構，作者以先第一身份“我”寫作然後以第三人稱”作者”自稱，然後將自己逐步後退，消弭、否定。作者成為了自己的讀者將自己理解分析。以同步及並置的方式講述自身對解構主義的理解與及演譯，作一個自己的思考方法的示範，同時解釋了他（自己認為）的複雜思想與將事情複雜化的來源。大概又呼應了文首的焦慮來源：希望自己的想法被理解卻又同時諗得咁鬼複雜咁你又想可以點樣被理解呀大佬？係正常嘅人都話你痴線啦，就算真係痴咗線都自我引證唔抵可憐。

咁最後點？埋唔到尾喎。自己輕鬆d就當回饋社會㗎喇。

errr姑娘, sulpiride唔該

事件

2008-08-11T02:21:00.011+08:00

在網上看到這到這段錄像，名為“公民社會對抗白色恐怖小勝一仗”
先看看吧。

在這條片中，對我來說最震憾的是那個警察突然指控那個議員助理毆打，事件來得莫名其妙。先旨聲明，我只看過這段錄像而已，對此事的脈絡亳不知情亦無打算查明。

對我來說，就如看任何篇幅極小的新聞一樣（甚至篇幅並不小的新聞），你從來都不會知道事情的whole picture，而事情的真實發展往往可能都來得迴異。當你刻下想評論一下，其後得到更多資訊的時候，往往可以全盤推翻之前作的評論，如此類推。極端一點的說，面對資訊不足的情況，我們其實只是憑經驗去選擇相信與否或半信半疑。可是往往都不知道哪個情況才算資訊充足，許多時候都太早評論。在資訊不足時候的評論反映了甚麼？我說那只是一堆印象與心情，反映的不是事件而是自身價值。

如果我說，果個差佬正一仆街，擺明老屈果個議員助理！
是否言之尚早？那個警察是否真的在老屈？那個議員助理是否清白？
會否因為我這一句話未查的評論，加深任何一個比我更不清楚事實真相的人對該事件一個錯誤的印象？引伸出更複雜的錯摸？

噓～看到這裡你還不明白？我擺明在為自己的現在過去將來的言論設個卸責聲明啦！好，我做足了安全措施，可以輕鬆地說了。

「個差佬有無攪撚錯呀？！亂9咁嚟，濫用權力！好呀，揭發多d哩d事情俾d壓力警隊要佢地檢討下！唔係我地第日有排受呀！」

Now I'm getting pissed

2008-08-04T00:39:00.009+08:00

大陸佬啲字幕呢，真係.........now i'm getting pissed.

Travis

2008-07-28T01:17:00.003+08:00

I am going to watch Travis on this Thursday, Yea!

Flowers in the window

Why does it always rain on me

One night

代溝

2008-07-13T01:55:00.010+08:00

單身兩年多，口裡常嚷着無女和好悶，隨口噏同fren講話介紹d女仔嚟識吓，實情覺得仍未係時候拍拖，一來自知尚未脫貧，二來了解自己奄尖腥悶，心裡暗叫這個那個不是我杯茶，即使遇上好茶又話唉配不上人地㗎喇。噢說到底還是幻想最好，不用錢不花時間，看來再這樣下去我注定媾唔到女了。
朋友某某擇偶可真簡單快捷，你是女生和沒有男友就已經附合要求。他最近和年輕幾年的女生拍拖，於是乎介紹了幾個女友的朋友給我認識。年紀不是一個問題，但她現在才form 7在等放鎊，好像和我的社群相距遠了點吧。社交能力呈負數的我通常等席間的人開個話題，然後作應聲蟲和議幾句搭訕，已經出來社會大學多年的友人可真利害，遇着道不同的女中學生他仍能隨意開過話題，問道「喂你平時玩咩課外活動呀？」喂大佬依家咩年代呀仲講課外活動?臉上故作鎮靜其實已經笑得痴咗線。「唔理你噏乜，最怕你唔噏」，你敢問就有人肯答，之後就隨意地說些無聊，內容都忘記了。過後朋友問及「你覺得佢點呀」，我口裡就說普通啦唔係太啱feel。
是夜另一個同席的女中學生帶同她的同年紀男友出現，甫打個照臉，他伸出右手作握手狀示好，重點是不忙認真兮兮地補句：
「小姓陳。」
喔賣割!我真的囧掉了。囧囧囧囧囧囧囧囧囧囧囧囧囧囧囧囧囧囧囧囧囧囧囧囧囧囧囧囧囧囧囧囧囧囧囧
看來代溝還是無可避免了吧。

文雀殺神破天慌極短評

2008-07-07T01:03:00.005+08:00

文雀

賣的是老香港情懷，中上環老店老樓景。配樂極佳。
傘戰那幕高潮，拍得極美，尤其把傘旅轉那一刻。
觀塘穿崩，無乜所謂。

同場友人：positive。

-----

殺神特工

型，“curve the bullet”真係好型。
賣動作賣特技賣星，fight club式爛命反建制膽拖大量matrix慢鏡。
故事極多破綻，為故事而故事，天道織機? 算把啦。
前半段講鍛練講得太耐，後半段暗殺任務太少，最估唔到結局無「打大佬式血拼」，硬係覺得荷里活今次計數計得唔夠足。但心甘命抵覺得抵睇。

同場友人：negative。

-----

破天慌

賣的是懸念，無形恐懼，訊息（應該）係講環保，我覺得套戲okay。
常言道拍驚懼片見晒鬼樣咁嚇人就出手太低，破天慌乜野都唔出都帶動到驚懼氣氛，應該都算高手。
個個都話結局��凳，哩類型結局見慣咯。
你有無睇slam dunk幽遊白書新世紀Monster二十世紀少年X-files等等等等？
哩d作品都有個共通點--咪就係好好睇但係爛尾囉。嗱嗱，我無話破天慌可以同哩d作品比呀，我講個結局ja。

同場友人：negative。

やわらかくてきもちいい風

2008-06-28T05:32:00.001+08:00

原田郁子/ やわらかくてきもちいい風

Start over again

2008-06-26T02:17:00.001+08:00

lost第一季裡面，對我嚟講最深刻嘅一句對白就係唔知邊個對住另一個唔知邊果講嘅 "do you believe in second chance？" 睇嘅時候正係心情低潮，立即lur飯應話「梗係信啦」，當堂又開心番晒。

等我記下心情較好嘅哩一刻先。

準確

2008-06-13T03:04:00.013+08:00

"Anybody can become angry - that is easy, but to be angry with the right person and to the right degree and at the right time and for the right purpose - that is not within everybody's power and is not easy."
~Aristotle

我經常諗嘅係，我應該做一個點樣嘅人，用咩眼光同態度去對待所有事物。當然哩個係攞苦嚟辛啦，做人嘅野，諗唔諗嘅話都係一個人嚟，而諗得多又未必解決到問題，可能煩嘅野仲多咗。所以我有時諗，哲學究竟係深化問題，抑或相反，將無問題都搞到係一個問題。

如果要跟足上面果句quote去做嘅話，大概未諗到個「啱嘅位」已經怒氣全消，然後覺得不如算把啦。
如果諗多兩野嘅話。「咦唔係喎，唔可以就咁算數，我要表現我嘅不滿話俾話你知道咩係對錯。」咁成件事又更加難，而且少d人生經驗都做唔到。所以我覺得花姐好勁囉。

我話，做人就係不停去揾個「啱嘅位」。我對於依家哩個位仲有好多不滿，惟有繼續揾，我期待揾啱個靚位，對自己感到滿意那一刻。

Stars

2008-06-08T08:04:00.007+08:00

凌晨六點鐘，我走到便利店買煙，挑了瓶鮮奶在回家途中邊走邊喝。天剛亮，蒼藍，鳥鳴，老人們在耍早操。我很少看到這樣的景色，感覺悠然平靜。生活真不易，最近我感到在較認真地對待自己的生活，便好像自在了點。

上年開始寫博時常常在這裡說歌，我很久也沒有這樣做了。如果要為我聽過的每一隻碟都下一點註腳的話，我大概這輩子都寫不完，我想我大概每月都會下載十餘隻碟吧。對，BT萬歲，我不想在這裡談政治正確的問題。題外話是，我說唱片工業還是能夠發展的，有些喜歡的樂隊我還是會掏錢買碟，看來正版碟成為了一個反映其質素的指標。

我每次下載都是以碟為單位而不是歌，一來散修修幾首幾首咁好亂好礙眼，二來我的前同事教路，應該要全隻碟去聽，才能完整欣賞該碟嘅感覺，再者其曲目編排都是經過考慮。我想都有其道理，因此即使遇著只得一兩首好歌的唱片，我都整張照keep無誤。每月以十幾隻碟的數量去聽，為的除了是資訊饑渴，就是尋找更多好歌云云。不過，時間都是只得那麼多，所以聽得越多，每首歌的感情分得越薄。以前某些歌一聽intro我就噏得出歌名，家陣有時聽晒成首我都無印象。

關於貼歌我有點偏心，名氣太大的樂隊就毋須介紹了，寧願貼一些冷門點的樂隊。如加拿大indie band Stars，我聽都未聽過有人認識哩隊band，話說某次網上閒逛時聽到哩首歌，歌名幾有趣，your ex-lover is dead。我唔係憑歌寄意，唔該。

Stars - Your ex-lover is dead

The Story of Art

2008-06-01T02:39:00.009+08:00

這本經典極好看，對藝術有興趣的話必定要讀。

4 30 am

2008-05-30T03:13:00.001+08:00

yellow & wine

2008-05-25T18:41:00.004+08:00

料理仙姫

2008-05-15T02:16:00.009+08:00

木村演的新月9劇Change甫開劇已經摘得23點收視，劇情緊張加上多個年青偶像坐陣的Last Friends亦慢慢攀到20點。作為輕鬆小品的料理仙姫相比之下確實失色不少，只得到10點左右的收視。本人與食無緣，只懂得分「咦幾好食喎」同「普通啦」，我看這套以食為主題的劇集全因為我的其中一位後宮偶像蒼井優。我喜歡蒼井優的清新脫俗，她簡直像從畫𥚃面走出來的古人，秀麗得沒有人味，和她所飾演不知世界怎樣運作的半田仙的氣質相當配合。她雖然未算國色天香，但總算靚女一名。

故事圍繞一家堅持用心細緻地烹調食物的老字號料理店，以尊重料理及客人的主題帶出種種輕鬆逸事，並佐以種種日本傳統靚衫雅物作招徠。蒼井優每集皆以和服示人，而且一集有幾套和服替換，令我等美學痴視覺大豐收。和服的細節，及那襲彩紫艷紅姣婆藍，教我吃不消都繼續狼吞虎嚥。不過好色如我，面對著蒼井空此等下凡仙女確實也難起歪念。就如打獵時遇見純情小白兔，忽然菩薩通靈心生惻隱，於是放下枝大槍，決定食少餐兔肉放兔歸林，極其量都只不過把好牠捉回去做「靈友」。

愛分門別類的東洋人稱此類人種稱為治癒系女優，雖然將人以類別去標籤不符合政治正確的潮流，不過此一分類又的確實有其根據，眼見優妹總是以笑臉迎人，實難想像其西面串樣。見慣放工時間在路途上的上班族的垂頭喪氣死樣，治癒系女優於我確有莫名療效。我認為看日本人比做日本人好得多，皆因日本禮儀規矩形式多的是，束縛太多（當然並非親身體驗過）。料理仙姫劇𥚃出現好多小禮節，一跪一叩一點首一端菜等都像是含蓄的形體藝術，就連跪坐前把和服輕輕一拂都那麼優雅流麗，雖然電視機的事物總是美麗一點，但都足見其禮節是何等中看，不過就相當累壞人。說回蒼井優，她那白晳修長的手指叫我行足注目禮，真想好好拖一把。

出外靠朋友

2008-04-16T23:57:00.004+08:00

自小性格離群但並不獨立，曾經有人形容我為愛理不理。有另一個比喻更加精采而且貼切，就係話我似一隻街貓，當有野食嘅時侯（啱玩嘅時侯）就會走埋嚟，平時就柄埋一二面不理不啋。嘩呢句真係好中，所以咁多年嚟我都仲記得。先勿論係唔係有咩童年陰影搞到我咁樣，總之我就係性格如此，大佬呀其實我都唔想。

認識好些外向朋友都（或曾經）愛蒲愛玩，經常同我講話果晚點high點正，總之就你無嚟你蝕底啦，但玩過一兩次之後硬係覺得貨不對辦，心裡暗叫「喂都唔係你講到咁正嘅」，甚至不知出自何處嘅保守價值觀在心裡輕聲講「這氛圍有種空虛和墮落的氣味...(?!)」。我唔係唔想好似你咁玩得咁開心，但就唔適合我囉。

講得太遠，街貓性格令我常常事無大小都唔想揾人幫手，因為費事煩到人，潛台詞可能係vice versa。黎堅恵曾經在專欄裡提到「賺錢不如賺人」，道理太概就係你幫人、人地會幫返你，總之因果報應，你對人好、人對你好。錢未必解決到所有問題，而從功利主義角度，朋友嘅功能就廣泛好多，除咗能助你渡過難關之外，仲會有令你開心等種種用途。

最近轉工，以我懶懶閒嘅性格真係可以揾成半年都未揾到：我一上jobs db就頭暈眼花，百九幾份工俾你揀真係睇到傻，仲未計interview等麻煩事。正當我躊躇著揾工煩惱，兩位朋友分別介紹嘅工作都帶嚟好消息。要謝謝朋友，有人幫真係走少d冤枉路。

Portishead in Portishead

2008-04-12T15:51:00.011+08:00

Portishead's live from the LATEST ALBUM

-Track list-

Silence
Hunter
We Carry On
The Rip
Machine Gun
Magic Doors
Threads

original link for larger screen size

不日上映

2008-04-12T10:13:00.006+08:00

Four Minutes (Vier Minuten)

Iron Man

Funny Games

21

回鄉記

2008-04-09T02:50:00.001+08:00

恵州

死𡃁仔 (2)

2008-04-09T02:19:00.006+08:00

中四輟學，於是走咗去做洗頭仔，我當其時嘅旺角造型漸入化景；一連耳環，美芝嘅娘爆二手衫，染色長髮，講緊嘅係彩色喎，桃紅，紫藍、草青色通通試勻，諗番起都唔明點解會夠膽死走出街，而出奇地果陣時極少被人查身份證。不過最難為嘅都係親朋戚友同屋企人，我呢身造型確實丟人現眼影衰隔離。時光快逝，一年之後再返校園重讀中四。可能因為quota用盡嘅關係，自此之後就好少染髮戴耳環。

喺屋企附近嘅機舖裡面，識得幾個比我細幾年嘅「𡃁仔」（實在揾唔到更貼切嘅形容詞），某日順路於是同其中一個傾談幾句，佢話下年應該升唔到中四（細我十年！），咪諗住出嚟做野囉...啀，又係讀唔到書嘅死𡃁仔，遇着以前嘅自己真係好恐佈。於是我扮晒過來人帶點老氣横秋咁講句：「（心諗：𡃁仔）Repeat啦你。」點知話咁快就走到佢樓下，佢都未回應得切我已經走鬼咗去。

哈。我其實咪又仲係死𡃁仔，依家咪又係撈唔掂。

死𡃁仔 (1)

2008-04-04T05:22:00.011+08:00

第一次「文化衝擊」，發生於中三時轉新學校。新學校新環境，由於人新路不熟，因而「誤交損友」，自那時起就開始咗我嘅死𡃁仔生涯。所謂死靚仔其實壞唔到去邊，都只不過係放學後去蒲吓機舖同波樓，得閒就喺公園仔流連煲吓煙咁，總之就唔想咁早番屋企。至於造形方面，就係當時屋村仔裡面極其流行，但郤被品味階層所詬病甚至譏笑嘅旺角look (a.k.a MK look)。唔係講笑，果時真係覺得旺角look好型，雖然而家打死都唔會咁著，但旺角look對我嚟講真係最有代表性嘅集體回憶。

further reading
香港網絡大典 - MK人

美好的願景

2008-03-17T23:00:00.013+08:00

在Zyrix那邊看到這條片子，忍不住要貼一貼。這是日本動畫師新海誠的動畫電影「秒速五厘米」的主題歌One more time, one more chance。先看看吧。

「到底還要失去些什麼　我的心才會得到寬恕　
到底要痛到什麼程度　才能再次見到妳一面

One more time　季節啊希望你別轉變
One more time　曾與妳嬉鬧的時光啊
　
發生爭執的時候　每次都是我先讓步　
這種任性的個性　更是讓人憐愛
One more chance　被記憶絆住
One more chance　無法選擇下一個場所
　
無時無刻都在尋找　希望能在某處找到妳
對面的月台　小巷的窗戶裡
明知道妳不可能會在這裡
如果願望能夠實現　我希望馬上到妳身邊　
如今沒有我做不到的事了
我會賭上一切　緊緊的擁抱妳」

歌詞寫得好動人，要看整首歌詞的話往zyrix那邊去吧。

電影還未看，但聽過幾次介紹再看過這段錄像之後，我便說，噢，我明白了，這就是清新雋永吧。日本人最擅長這樣的風格，恬靜雅致淡淡哀愁，像花瓶般靜止的優美。

故事大概是這樣吧：在一個如常營營亦亦的平常日，我想起了那個和我曾有過美好日子的妳，妳最近生活好嗎？忙碌嗎？翻風了，小心著涼啊。
妳在哪方？我好想好想見到你。

雖然明白這個，但這情懷倒不剩下多少了。這個「我好想念好想見的妳」，在心裡再翻幾遍都倒不出半個來，大概因為明白到已過去的再多想也無謂。

我認識一個女子，她說不看愛情片，因為都是教壞人的東西，叫人對愛情有太多不實的憧景。是嗎？我思疑，未算錯卻又不能說對。創作，總是臨摹生活去描繪一個景地，一個似實若虛的願景。沿她的觀點，我在想這齣秒速五厘米是否一個美麗的謊言呢？許多溫馨小品都洋溢著愛，人物都恆守陳舊而善良的價值觀。他們在我們難過時帶來了慰藉，填補了缺失，豈能指斥他們存心欺騙。

不過，在我好發夢的童年，的確有好些作品在我心裡建構了一個美好國度，一個比生活更加精采的地方，甚至覺得生活本應如此美好，這就是嚮往。想像往往比現實美好完善，而嚮往就是，希望現實如想像一般美好。但人漸長，都不敢全然相信這些想像了，在生活裡掏美好願景實在太奢侈，或者太昂貴、太累人。成年人哪能負擔得起？還是一枚承載著美好的dvd來得便宜方便。
願景就是願景，我想，只要在心裡為它預留美好的角落就很足夠。

宵夜

2008-03-10T03:30:00.005+08:00

生日禮物

2008-03-05T05:16:00.002+08:00

多謝晒～已經好耐無人送野俾我喇，估唔到有禮物收。個款好啱我，但可惜大得滯，我戴咗之後成個孖寶兄弟咁，都係擺喺屋企算啦。

Frankie

2008-03-04T03:30:00.013+08:00

I dun read gal magazine, so I wonder why my bro's gal fren give them to me.....
Did she think they could be some sort of design references? actually their art direction are good but i just dun read G.I.R.L MAGAZINE. They have been "stayed" in my tiny room for about a year. Today when I was tidying up my tiny room (once again) I rediscovered them. I thought of throw them away and save some room for other stuffs.
Until I ran thru some pages, I put them back on my shelf...I say "damn, they look so hot!"

I just can't resist hot gals.

休

2007-09-18T01:28:00.001+08:00

在忙，待休息一會和整理過後才再開敝blog。

澳洲時光

2007-09-10T01:18:00.001+08:00

呢排無乜野想寫，所以揸吓流灘貼歌。

如果唔係去過澳洲讀書，都唔知澳洲原來有出名嘅樂隊。

Jet熱衷玩舊式搖滾，但感覺並不老套。兩三年前因為一首Are you gonna be my girl而紅得很利害，亦被Apple曾經攞嚟做Ipod嘅廣告歌，因此Jet嘅知名度也提升了不少，依俙記得香港某電訊供應商都用過此曲作為廣告歌。

Jet - Eleanor

Jet - Are you gonna be my girl

那時候我在悉尼讀書，那裡一年四季都總是陽光普照，我很喜歡那種感覺。

澳洲人生活很悠閒，不慌不忙，感覺像個率性直接的傻瓜，天生就無憂無慮。我阿哥有幸，和女朋友都成為那裡的居民，生活應該都寫意。

身在悉尼嘅朋友說APEC 07令到道路很繁忙，有興趣嘅話可以過去睇吓佢點講。

新聞說到George Bush在APEC 07把Australia說錯成Austrian，我立刻笑爆嘴，心裡問，點解做總統可以做到咁白痴?

兩本書

2007-09-03T05:17:00.001+08:00

呢排隔得耐咗update個blog,以前大約兩三日update一次，依家爭唔多變咗寫週記，希望可以keep番密d。

唉～今日明明喺假期，本應可以好好享受一下，但唔知點解頭痛慾裂，疑凶分別有：

1) 黃碧雲嘅詛咒
2) 陰晦悶焗嘅壞天氣
3) 萬寶路嘅wides

最大嫌疑應該係3)，我平時食煙食開超純萬，係萬寶路裡面最淡嘅煙。尋日無端身痕買包wider嚟食，可能因為唔慣食咁哽嘅關係，所以俾d尼古丁整到頭痛。
最近嘅新嗜好係閱讀，呢個星期我在讀三本書（我唔能夠在同一時間只專注地讀同一本書），分別係仍然未讀完嘅《七種靜默》，Paul Arden嘅《It's not how good you are, it's how good you want to be》，同埋David J. Wilkinson嘅《The Ambiguity Advantage》。雖然書仍未讀完，但我都想講吓頭果兩本書俾我嘅感覺（純綷個人觀點，並唔係書評），而最後果本仲係讀到好開頭，所以唔講住。

《七種靜默》

書扉說：「讀黃碧雲的書，你最少要有直面邪惡的勇氣。」
讀她的小說，絕對是這樣的一回事。雖然我只讀過半本黃碧雲的小說，但姑且讓我以偏蓋全，把《七種靜默》的內容說成黃的風格。

我覺得，如果你要求黃碧雲帶你遊一遍煉獄，她會非常樂意。她會像《神曲》般撐着小船帶你去看煉獄裡最血肉橫飛黑暗的一面，當你感到不安，不寒而慄，她反而很淡然和平和，並覺得不外如事。如果你央求她駛向人間，她卻把船越撐越遠。

她的文字充滿着暴力，好像都在滲透著血腥味。文章敍事方式奇特，有人用詭異來形容，我也覺得非常貼切。她有時候會很「正常」地叙述，但忽然之間會變得很「白話」，忽然又會變得像詩般，雖然結構凌散，但卻極之能夠將故事中的情緖和氣氛刻劃出來，而且畫面和電影感都很強。

她筆下的人物和情節都很宿命，和很宿命的不幸，無論角色們怎麼努力，都走不出人間地獄，大家都在活受罪。感覺就似要你在極清醒的情況下，不停檢視自己的罪惡和痛苦，和無力地面對自己的慾望和罪孽：明明傷口在復元，都要你把它再撕開，而且專注地感受著痛苦和無能為力。主角們的死去，好像比活著還要感到快樂。

世間並不是只有痛苦，但黃的小說就只專注地探照著黑暗，而且把它放大，當成生存的全部。看她的小說有點像自虐，又像懺悔。我個人很喜歡她的小說，但又會想吐。她的文字或文體或表達方法很吸引，但有點凌亂和難懂，有時要反覆把同一段看好幾次才讀得明白，所以讀她的書很費神。

因為聽說過她的生活很豐富，所以我個人猜測黃碧雲不是個憂鬱的人，態度可能還很積極。但她的內心很可能盛載著很強大的陰暗，要把心裡的穢水傾瀉出來才能舒服。

《It's not how good you are, it's how good you want to be》

黃碧雲的陰沉好容易把情緒拖垮，《It's not how good you are, it's how good you want to be》（簡稱《It's》)，是一個本很有趣積極的小書，令人讀得很爽，正好和黃來一個互補，把我從不安的地獄拉回人間。

《It's》不是新書，在03年已經推出。因為我是在網上得悉此書，不知道實物是怎樣。在看到實物時，發覺這本書竟然那麼小那麼薄那麼多圖少字，但我很開心，因為我不用看得太費神，可以輕鬆一下。

根據書頁的介紹所說，作者Paul Arden在英國的一間大型廣告公司任職Creative Director逾十多年，被行內人喻為creative genius。

先說一下封面設計，封面就只是放了很bold的標題，作者名字和出版商，白底黑字，一個多餘的graphic也不放,感覺很討好。簡單直接，快脆和清晰地交待這是一本甚麼書。書的內容又如標題般簡單直接，就是教你如何變得更好。

我剛才說黃碧雲很宿命，Paul Arden就像教你如何打破宿命。Paul Arden叫你打破規範和約定俗成，對它們說句why和why not。他的主題很簡單，就是叫你當你面對問題的時候，不要以為沒有解決辦法，反而應當不停地橫向思考去找尋解決方法，遇到的情況有很大的限制的時候，就著眼於自己能控制的地方，從而改變，又或者發揮創意把劣勢弄成優勢。作者很有趣，他把難題當成了遊戲和挑戰，把困境看成了優勢。就例如，他說到如果在工作上被炒，是一件好事,因為你獲得一個找尋適合你的工作的機會。換言之，他是帶你腦根急轉彎去看世界。態度如此積極的人，就算遇到再天大的難題也不會死，跟隨他的只有好運。

如何令自己變得更好？道理如上，就是想自己所不曾想像的，做自己不曾做的。我們很多想候都以自己是這樣那樣，以為自己做不到某些事情甚麼。對，就只是以為而矣，我們一開始就已經把自己否定，因此才會不能成功，嘗試過後才再下判斷吧。如果失敗了，那就再嘗試多一次，起碼，你學懂了失敗的方法。他認為經驗是個包袱，經驗告訴你已知的事實，告訴你predictable所以你感到安全，你掌握了並只依靠經驗行事，其實就只在play safe，卻不會懂得解決未曾遇過的難題。他告訴你，uncertainty並不是恐懼，而是可能性，他叫你放心走進未知之內，找尋你想要的東西。
所以，無論在任何事情上都不要一口咬定自己做不到，他建議你不妨把自己的要求設得比現在高一點，再去想如何達成。

《It's》就是這麼淺白地叫你如何去改變和進步，道理簡單，但卻不曾想過。有否留意到在文中用了好幾次「叫」字？對，他不是教你去解決個別的問題，而是叫你憑自己的創意去解決自己的問題。看這種書，通常會三分鐘熱度地積極起來，很快便會打回原形。因此，我認為應把這態度緊記，在任情況都用得著。

書內的文章很簡短，而且未必每編都有連貫性，但讀落挺樂和舒服，感覺明快，總好過悶長的學術書或者社會現像分析的書。

書價不算太貴，原價$85，現在page one八折發售。買本來守門口也不錯。

題外話，Paul Arden在06推出了另一本書，叫whatever you think, think the opposite。我仍未借閱，我估內容應該大同小異。
而他今年11月會有新書推出，叫God explained in a taxi ride。

*

嘩連續打咗好多個鐘頭blog，好Q攰，隻眼就嚟盲。我要立刻死去訓覺，唔係聽日又冇精神番工~~ -_-"

走失再走回來

2007-09-03T00:08:00.002+08:00

在黑漆的k房內，擠滿豬朋與狗友，一行共十人，
一張張臉都熟識卻臉目模糊，原來相識多年卻又不認識

這刻他唱了光良的I am who I am,
我心裡卻問了這個問題，who am I? 為何大家都那麼肯定的說「我就是我」

「我就是我」，響亮無悔而且肯定。
只怪我在年少無知時讀過半本關於懷疑學派的書，於是我對世界都充滿了疑惑，
雖然書內明明說到了懷疑只是對知識的熱情的起始，對事物的肯定才是依歸。
可惜我只是讀通了前半節，還未學懂後半截。

我是一團意志和意識
性格是一個變數，為外在環境所影響，又因為我的反應和選擇而一點一滴有所改變，形成另一個我，週而復始
我的反應和選擇，就是我的態度

有說「性格決定命運」
性格未必能夠輕易被改變。但改變了態度，也就在間接影響著性格，命運的軌跡亦因而有所不同

我本無色相，要透過和你造成比較，我才會變得立體起來
但我眼中的你有時候卻和我的投射和反映重疊。我望到你，以為那就是你的全部，原來，我在當中碰見了自己的影子
反之亦然
要是這樣的話，豈不是你和我永遠都看不清對方？
幸好有他。
在你我他的互相反照下，大家的性格都更為顯現
正如廣告所說：「買得越多，中獎機會越大!!」
透過不停的互動，和別人的相處和溝通越多，大家更加明白對方，也更加明白自己。

可惜，在那時候，我掩蓋了自己。人總不會亦不能完全掩蓋自己，我掩蓋自己的程度，就像只開了一線門縫，你只能依稀望到裡面的光。
我掩蓋了自己，可能是因為怕羞，可能因為自悲，可能因為覺得沒需要，可能誤會以為這就叫做禮貌，可能因為怕開罪了你。
無論原因如何，總言之，我掩蓋了自己。
掩蓋自己不是罪惡
只不過，我不再想自成一角，現在的我響往分享所帶來的快樂，並認為這就是人生的真理
然而，我又不認為我們需要絕對的坦白
因為各種原因，無論是好的還是壞的，謊言抑或修辭仍然有著存在的必要
要坦白到哪種程度，自己感到舒服就好。

因為在那時候我收起了一些說話，沒有好好的坦白的表現自己，於是乎（我以為）我們的距離拉遠了，原來走遠的是我自己。

「距離」是一張曲線圖，「距離」沒有絕對的近和絕對的遠。縱使有，絕對的近未必是好，絕對的遠未必不好。
完美的距離其實就在曲線的頂端，可能那就叫做和諧。不要問我完美在哪裡，完美於各人不同，總之各自修行努力摸索屢敗屢戰，總有一天會遇到。

又在另一個時候我收起了自己，以為如果我說出了真話的話，你會討厭我
妖世事哪說得準，可能如果我說出了真說話，你又會作出另一種態度

「喂死仔，做乜唔出聲喺度發呆？快d揀首歌嚟唱啦」阿強把無線咪塞在我的手裡。

這句說話猛然把我從思緒中拉回來，就像在孟婆橋前的一聲喝喚，令我醒覺，回頭急步返到陽間。

在阿強唱I am who I am的短短的三分鐘裡，我原來在思海中走到世界的盡頭，並以為那是智慧之鄉。
那裡寧靜荒蕪，不見人影，只有永恆無盡的青草地，陪伴我的就只有寂寥。
我的靈魂原來離開了肉身，我原來總是在俯瞰，同時間又似在透過閉路電視看事物，所以我看的時候，感覺總是那麼抽離和不現實。

「驚你呀，唱咪唱law，我要唱蜜桃！」
「唔係呀麻？」衆人不滿。

我曾以為我和他們不屬於同一個世界，原來只是我的誤會。
只需一句說話，妄念就被打破，隔膜的牆壁就被擊碎。
豬朋和狗友不再面目模糊，他們的性格都變得清晰，他們有了名字。

原來要認識別人，只需坦白和投入。

記憶法

2007-08-27T02:10:00.001+08:00

莫利在星期六的免費報紙讀到記憶法，雖然那只是鱔稿。他對記憶法很有興趣，而且增強了記憶看來對工作亦很有幫助，同時間他覺得自己很庸俗乏味，就連學一樣新東西都跟工作掛勾。

他上網尋找有關那套記憶法的資料，那是一套德國專業記憶訓練系統，教人運用聯想，圖象記憶，事物關聯等各樣工具來幫助在瞬間牢記各種資訊和事物。網站裡介紹課程的末段寫道：提升自己的記憶能力, 個人及社會的財富, 科學, 商業等都必定會更加生生不息。我們渴望將這種記憶技巧在中華民族發揚光大，讓中國人獲取更豐富的知識，提升中華民族的文化素質。因此, 我們現致力將記憶法推廣至香港, 幫助港人提升工作及學習質素及果效。我們能為您帶來工作, 學習及人生一個新希望, 大家齊來努力學習記憶, 共創美好的明天。

看到這裡，莫利說了句x你老味，撰文的那麼劣，那些「你努力就會發達」，「我係為你好」的廢話都寫得出來，他又想，畢竟那只是教授記憶法的學校，所以文筆如垃圾都不足為奇，然而，最重要是記憶法真的有效。而且，或許他學懂了記憶法之後，他的一生真的或會如報紙的鱔稿所說，從此不一樣呢。於是他去了報名。

課程不長，就只是五堂課而以，總計20小時，每堂課有一百個學生。

在扇型，梯級式的講堂內，莫利選了個山腰位置來坐。莫利望錶，七時三十五分。足遲了五分鐘，課還未開始。終於，外藉教授Mr Harrison施施然進場。Harrison站在講台，翻一翻講稿，然後又把它們疊好，再敲一敲講桌拍齊。他清一清喉嚨，托一下肥臉上的眼鏡。環顧一下學生們。

他一瞥，就把九十九張的臉牢記了。而他自己的神情卻有一刻異樣，然後開始授課。

他說著說著，學生急忙抄寫著筆記。五堂課後，學生都習有小成，然而仍需繼續練習。

第五堂課完畢，大家各有所得的離開。恰巧莫利和Mr Harrison都乘同一部電梯，Mr Harrison打趣說：「Do you remember me?」

莫利失笑，道：「of course。」莫利繼而即時應用他在這五堂課內所學得的，把Mr Harrison這五堂課內說過的字句，做過的表情，姿勢都完整地說出來。莫利自鳴得意，因為他形容的實在準確，而Mr Harrison亦笑道很好。

電梯門打開，他們都步出來。莫利正欲開口說句多謝和再見的時候，Mr Harrison卻未有離別之意，問莫利，擁有強大，準確而牢固的記憶是不是件好事？莫利被他莫名奇妙的問題止著了笑容，呆了半响，道：「該是吧！」Mr Harrison欲言又止，最後手插一插褲袋，做了個笑容就走了。

Mr Harrison猶記得五年前，莫利就已經來過這裡上課，那時候莫利的成積很優，所記的事物快而多且準確。Mr Harrison知道莫利將來的記憶法會很利害。當然，莫利不久後的記憶就已經像一所迷你圖書館。知識的：天文地理人物歷史股票...在哪裡看、哪本書、哪一頁，甚至哪一句有錯字，通通記得；親歷的：他所到個的每一個地方的每一塊䃈磚每一個路標，聽過的每一句說話，甚至是巴士上鄰座的阿伯們的閒言閒語或維園偉論，吃過的乾炒牛河的蔥粒的數量，他都記得。

其後他們就闊別三年，於兩年前的一個下午，莫利突然找Mr Harrison喝咖啡，莫利穿筆挺的西裝套裝，卻一臉沒神的愁悶。

他們到連鎖咖啡室。莫利坐下來，挨在沙發，點起煙，開話題道：「記憶法真的好有用，我記住了龐大的資訊和知識，這幫我轉了好幾份工作，升了幾次職，現在生活都安定。」Mr Harrison喝一口咖啡，點頭說那可很好。續而，他們繼續閒聊。Mr Harrison心裡知道莫利其實有話想說，終開口：「其實你今日來所為何事？」

莫利終於入正題，坐直了身子正色說：「我記住了傷感。深刻地。」

莫利補充：「我之所以能記那麼多事情，因為我在你教授的記憶法作出了更完善的修改和補充，你教的記憶法是需要自覺的去記事情，換言之是有目標的去記。但我為了更快捷地去記更多的事情，於是將這記憶法訓練成出不自覺的習慣，無論任何事情都能緊緊牢記，而且為了能夠將資訊能快捷的記起，增強了事物與事物之間的連繫。就例如我看手上這隻杯子，我就記起所有我看過的杯的樣子，又或者記得我和誰喝過東西...」

Mr Harrison放下喝光了的咖啡。

「自我母親半年前逝世後，這件事就成為了我最深刻的回憶。無論我看到聽到讀到甚麼，我都會聯想到這件事，和這件事帶給我的傷感。我至今也未能忘懷。」莫利止著情緒，聲線帶點嗚咽。

「莫利，I am sorry。」Mr Harrison道。

莫利打斷他的說話：「...我，於是我創想了忘記法，它可以把任何事情忘記。」

「這仍只是個理論，我還未實踐。忘記法會破壞事情和事情之間的在記憶系統內的聯繫，而比較有強烈的聯繫的事情，可能都要一併忘記才能社絕某一段回憶。而我的記憶太龐大，我猜我要一併忘記的事情有許多。」

未幾，兩人離開了咖啡室。

x

Mr Harrison本來想告訴莫利不要太努力去修記憶法，最後還是手插一插褲袋，做了個笑容就走了。

「嗅」

2007-08-26T22:57:00.001+08:00

很多博客都放了aNobii在自己的網誌內，看到別人書櫃的琳瑯滿目，不禁有點羨慕和慚愧，因為我是個文盲。小時候讀書不多，又不學無術，到現在人大了才急忙來多點閱讀，以遮掩內心的貧乏和填補狹隘的知識。

粗略來說，我比較喜歡閱讀非小說類，那些作者角度的分析和評論我都喜歡看，而小說則很少讀，可能是因為合我口味的很少。很久之前看到了一位博客引用了黃碧雲的《七種靜默》裡的一段文字作自述，我被它深深迷住，自那時我就知道自己必定會拜讀她的書。容我引用一下那段文字：

為我的貪慾：我以為是熱情；為我的冷漠與疏離：我以為那是存在的疑惑；為我的叛逆與敵對：我以為我之為我，為自我毀滅所完成。我以為我思我在，我就是世界的定名。我是智慧，是意志，是生命。

這段文字對「我」的描述實在精彩，我在網上翻查下黃的資料，黃碧雲是本地作家，生於61年，香港中文大學新聞系畢業，亦為香港大學社會學系犯罪學碩士。我想一想，發覺原來在很久以前於節目《打書釘》裡聽過她的訪問，難怪她的名字很耳熟。恰巧上星期日在報章讀到王怡興對黃碧雲的感覺，終於促起我去借《七種靜默》來看。

老友早前說道他的聽覺和味覺很靈光，而我的這兩樣觸覺都普普通通，基本上我的各樣觸覺都麻麻，除了感覺。感覺，極為抽象，很難說清這是怎樣的一回事。然而感覺缺乏理性，有時又和偏見和妄念相交疊，這不能名狀的東西我不多加解釋。我的感覺十分敏銳，自小就已經有很強烈的意識，對周遭的環境，氣氛和「別人」有很強烈的感覺，亦很易受其影響。因為敏感，所以有時我都覺得自己很神經質。

和「別人」相處時，我很快就會嗅到他的「氣味」。只需相處一段很短的時間，又或者只看到一個表情，聽到一句說話，知道「他」對某事情的看法或態度或取向，我就會嗅到他的性格，態度。當然啦，我已說過感覺有時會和偏見和妄念相交疊，我看的，就只是從我的角度去看，所以看出的和現實的總存在著偏差。

對於這種對別人的「嗅」，和嗅氣味的嗅一樣，是不自覺的。這可能是一種為自我保護的行為，而感覺，亦可能是一種自我意識太強烈所以出現的副產品。我有時也很討厭這種感覺，討厭自己太強烈的意識。這種強烈的自我意識使我和「別人」造成了距離。曾經，我和一大夥朋友呀同學呀聚會，搭不上半句嘴，而感覺很抽離，似就像看電視機，自己仿似總是置身在外，總是投入不到他們。那時弄不明白，只以為自己性格太過內向太靜，後來才歸咎於強烈的自我意識。

看到別人大夥兒嘻嘻哈哈，我都會羨慕。所以對於我的感覺太強，我有時也會覺得這是種原罪，躲不到，戒不掉。不過現在我有方法能夠抵消這問題，就是當意識強烈時，刻意忽視感覺或分散注意力，以理志作主導來避免感性操控自己。呵呵，沒有這種經驗的人可能會覺得這諗法很奇怪吧，或會疑問，做人駛唔駛做到咁撚複雜？所以我認為自己沒有瘋已屬萬幸。

對於擁有和我同一種特質的人，我會很容易察覺得到，我嗅到黃碧雲就是這一種人，至少我個人從她的文字看到的是這樣。我這個星期都在看《七種靜默》，整個星期裡我的感受都不太好。

隨寫

2007-08-17T02:39:00.001+08:00

最近狀態很好，已經開始能夠掌握生活和工作上各樣事情的時間分配，專注和組織能力亦比之前強，心情甚佳，心裡盤算已久的小計劃終於開始實行。早前個心未定，思緒散亂，夾硬開始計劃的話只會令自己步伐越走越亂，所以專登等到個心靜下來，各樣事情都兼故好才敢開始。早已聽過我嘅計劃嘅實幹朋友都常常追問進度如何，我之吾以對，難怪佢地覺得我又係吹水，因為我嘅往績唔好，好多事情都係得個講字，遲遲沒有實行。而我認為要個人真係定下來方能開始，呢個諗法又好難同人解釋，唯有任佢地信就信，唔信就唔信。總然之，依家處事開始得心應手。

＊

呢排泛起了摺blog潮，有好些網友都在提及。大鐵鎚談到寫blog其實都係為咗發洩，通常當生活過得開心就無乜野想寫，所以摺blog對博主嚟講都係一件好事，代表博主已經冇乜煩惱。呢點我都幾認同。我呢一排生活過得算係幾好，所以冇乜野想洩，就算有野想同大家分享都因為懶而寧願玩吓其他野好過，但我又唔想個blog佈滿蜘蛛網喎，於是我淨係講吓歌仔算數。講番寫blog,blogging真係幾好㗎，幫我洩咗唔少怨氣。污氣吐咗出嚟，放低了擔子，人都醒神d，但難為了各位看倌，因為各下吸埋吸埋唔少我嘔出嚟嘅負能量。不過，相信以後我都會好少呻㗎喇，頂多有時傷春悲秋一下囉。

＊

見我成日講歌，就知我鍾意聽歌啦。講真我真係有諗過夾band。我覺得夾band係一件好浪漫嘅事（sorry我濫用了浪漫一詞），浪漫在於香港地咁Q現實咁檸功利咁很拜金，不求甚麼地純綷為興趣而玩一樣野係一件賞心樂事。不怕餓死街頭地去全職去玩音樂就更為令人敬佩。當然，我唔係亦唔可以係咁瀟洒去追夢嘅人啦，話晒都要對屋企有d責任，費事嚇死我果個認為做人一定要「腳踏實地」嘅傳統的阿媽。對我來說，只懂工作的人是機械，只顧興趣的人又不設實際（如果你好似juno咁有錢則另作別論），工作和興趣，我自己認為最好能做到50/50，能唔能夠分配到就要睇閣下修為喇。
題外話，我有兩位老友都無業了一段不短的日子，剛巧佢地嚟緊都有一份短暫嘅工作。喂，呢份工就當係小小嘅開始，唔該往後嘅日子keep住工作喇，苦口婆心講句，咁大個人真係要出嚟做野喇，呢d係好基本嘅責任嚟，再唔做野我真係睇你唔起㗎，祝你有個好開始。

＊

又講番夾band，自問對玩音樂沒有太大天份，更加唔會諗住玩band成名。其實我講嘅玩band好簡單，只要係同幾個志同道合嘅朋友一齊玩吓cover已經好開心。我識玩咩樂器？er....我勉強叫做識打鼓，簡單的pattern，tempo唔太快嘅話都ok嘅，不過d beat未必咁準...
話說大約八年前有部街機叫做打鼓機，依家都出到第十幾代，我當時都沉迷呢部機得好緊要吓（我玩得都幾ok）。玩得耐，對打鼓都萌生興趣，結果去咗學打鼓。打鼓機同打真鼓係兩回事嚟，前者考反應，後者要靠心裡數嘅拍子準確，但同樣地，兩者都要需要運到手腳嘅independent。例如右手要keep住同一個速度打hi-hat，但左手就在不同的時間打snare，左腳右腳如是。要手腳「分開」嚟旭絕對唔容易，好容易會手腳不協調，有機會先再講打鼓。其實我有d想學彈結他，得閒可以彈吓我喜歡嘅歌曲已經心滿意足，但唔知幾時先有錢同時間去學，又要放喺不日完成呢個類別裡面。

＊

前兩日逛書局，留意到一本關於叫《香港都市雕塑導引》嘅新書，由香港雕塑學會出版（蘋果日報報道）。書裡輯錄了很多位於港島區的雕塑，附以一些資料及簡短嘅分析。我對欣賞雕塑都有些少興趣，但學問就冇乜。我最喜歡嘅雕塑類型有兩種，一係完美技術嘅雕塑如大衛像，二係能夠將情感或感覺抽象化成為立體嘅作品，就如書裡介紹到嘅已故英國雕塑家Henry Moore嘅Oval with points，亦即擺放於中環交易廣場裡面果個8字形雕塑。呢件作品好有美感，外形簡單但力量十足。借用書裡嘅形容，作品環狀嘅兩端厚實隱重，中間空心，成一個donut形，中空部份巧用了兩個近乎連接的尖端，將兩端嘅力量都相連起來。我唔係專家，唔識分析作品，只會半懂不懂的在感受，和隨意思考著這些抽像作品嘅意圖和雕塑家所想表現的。雖然話鐘意睇抽像雕塑，但只局限簡潔的和經雕塑家深思熟慮的。藝術作品只會對因其發生興趣的人才會有主觀的情感作用，否則，對其他人來講，只不過係尋常物一件。

＊

逛書局後，約咗剛剛做完一年backpacker嘅老友出嚟食飯。自資做一年backpacker，既敬佩又羨慕。飯後老友話去大型電器連鎖店睇digital camera。我個人其實非常怕那些sale屎煩，所以除非真係有野想買，否則我都好少入鋪頭左試右試。入去逛逛後，原本我只不過想睇吓panasonic部DX 2，點知睇睇吓老友話想睇DSLR,於是乎睇咗Canon嘅30D (28/7按：應該記錯了機款型號,資料待查）同400D，唔試由自可，一試不得了，按動快門的那聲㗎拆和手感爽斃。先報一報價，不知名型號(6M pixel)~$4000 ，400D(10M pixel) ~$5700（兩機均連鏡頭）。講真，我唔係咁經常影相亦未必需要用到DSLR，但前者個價錢真係抵到爛，搞到我心旭旭。然而（然而?），我更加想買400D，原因係..........原因係...我勁鍾意Canon 400D個廣告裡面嘅女仔(非常好的理由?!) ...當時在地鐵站的print ad見到呢個女仔已經覺得佢好有氣質好靚，個種東南亞加少少鬼鬼地的樣子好吸引，睇埋電視廣告覺得仲靚。（忽然間變咗高登）喂！各位「爸打」，呢條女好正wor，必睇！有冇人知佢叫咩名？

廣告拍得好靚，印象中好似係由知名廣告導演所拍，雖然唔新，已經見街半年，但都值得再睇。
ps: 老實，有冇人知個女仔(-00:06)叫咩名??

短寫Amy Winehouse

2007-08-15T01:19:00.001+08:00

最近在聽Amy Winehouse，覺得佢d歌都幾好聽。Amy(懶熟）佢玩類似jazz同soul嘅曲風，旋律有點pop，所以唔會令人覺得悶。歌曲風格刻意扮老套，用上舊曲式加上新衣裳，實行老套當時髦。把Amy當作流行曲來聽都唔錯。

香港現時流行撥亂反正，最緊要正字，咬字清晰無懶音，個個唱歌要學李克勤。Amy咬字就真係懶到爆，唱腔態度勁hai勁懶洋洋（Lily Allen又係懶到出汁)，不過我覺得冇所謂啦，入耳覺得舒服咪ok囉。

Amy姐得果廿三歲，理應青春無敵，但唔知點解佢將自己搞到咁老同咁Q醜樣，我覺得佢直情係醜版潘迪華（Amy同潘迪華嘅fans: 得罪晒喇~）。好人好姐唔靚冇乜問題，但做乜鬼整個大大個嘅黑色勾型眼影搞到個樣咁肉酸？

本來唔想貼佢嘅mv，但因為想俾大家觀摩吓佢嘅尊容，特此貼上。

Amy Winehouse - Rehab

Amy Winehouse - You Know I'm No Good

GARBAGE

2007-08-13T03:05:00.001+08:00

不得不承認自己偏心，我真係好少聽廣東歌，我部nano總係播住英文歌。前陣子買嘅盧巧音同王宛之，到最近陳輝陽嘅十二金釵衆生花，我都好少聽。而我最近成日聽嘅新歡係Garbage同Amy Winehouse。

Garbage出咗新精選碟Absolute Garbage,原本都冇諗過買，但因為電台呢排播緊新單曲 Tell me where it hurts，而且打風果日食lunch時喺youtube睇埋個mv，搞到我呢個舊fan屎忍唔到手冒住風雨都去買佢地隻碟。

通常d band沉寂咗一段時間出番嚟，就會plug一隻好鬼煽情/感動嘅歌,用上最易入耳嘅動聽旋律，覺今是而昨非嘅正面歌詞及最隱陣而抑揚嘅編曲（就如suede嘅positivity)。雖然歌曲新意欠奉，但質素亦唔會差，而重點其實係引起歌迷共鳴，令到歌迷感到「你地終於番嚟喇！」，咁樣歌迷就會乖乖拎起隻碟付款，呢招往往係任何樂隊同歌手嘅必殺技。Garbage嘅新歌就係呢個例子，而我亦當然心甘情願就犯啦。

多年前因為一首I think I am paranoid所以買咗佢地隻碟，我喜歡佢地歌曲裡嘅grunge同歇斯底里。女主音Shirley Manson把聲幾有性格，性感得嚟有點兒糟和頹廢。佢個形象都幾型㗎，佢唔係typical果隻beauty，有少少sexy又有少許病態，有時又玩吓逆服，俾我一種沉著而燥暴嘅感覺，我覺得椎名林樆有幾分似佢，或者佢有幾分似椎名林樆。話時話我都幾鍾意林樆㗎，其實我係咪鍾意d short嘅女仔呢??

Garbage班底亦唔弱，除Shirley外，其餘三個成員都係producer(唔知係咪即係唱片監製)，其中Butch Vig produce過Nirvana嘅Nevermind大碟。不過Garbage人氣已經大不如前囉，又係一隊捱唔過廿一世紀嘅90s樂隊。

新碟話明係精選，每首歌都一定有番咁上下質素。好多首都好聽㗎，有興趣link去聽吓。

Garbage - Absolute Garbage

1. Vow
2. Queer
3. Only Happy When It Rains
4. Stupid Girl
5. Milk
6. #1 Crush" - (Nellee Hooper Remix)
7. Push It
8. I Think I'm Paranoid
9. Special
10. When I Grow Up
11. You Look So Fine
12. The World Is Not Enough (Don Black / David Arnold)
13. Cherry Lips (Go Baby Go!)
14. Shut Your Mouth
15. Why Do You Love Me
16. Bleed Like Me
17. Tell Me Where It Hurts
18. It's All Over But The Crying (Remix)

Garbage - Tell me where it hurts

* -2：23果幾個鏡頭剪得好賤，睇到我唔多開胃。
* 你估吓Shirley幾多歲?

The new iMac

2007-08-10T06:27:00.001+08:00

iMac換新裝，型格十足。機身，keyboard已經單薄如此，看來已經走到minimalism的盡頭吧？相信好難再在外型上突破。個人認為iMac G4最靚最型，當時見到真係嘩嘩聲㗎。

實幹派

2007-08-06T05:01:00.001+08:00

我認識過好些人對工作十分認真，工作效律高，處事一流，忙嘅時候做野非常快手，靜嘅時候又會識得做閒慢一點，我稱呢種人為「實幹派」。實幹派做野嘅時候係十分專注，絕對唔會開小猜，工作速度快。

實幹派並非只會在某些特定職業才會出現，草根工作都有呢d人存在。在澳讀書時，我曾經在唐人街裡面最忙嘅一間唐餐館裡工作過。廉價唐餐館並不要求裝修靚氣氛好，要的就只是價廉物美，番枱番得快，最緊要旺場，做餐館最忌個場冷清，越靜越少人入去食（唔知係咪唐餐先係咁）。間餐館忙，自然做野要快，自自然又會有叻人能夠做得好。我就親眼見過一個差唔多年紀嘅留學生做野好掂。佢喺果度做咗兩三年，當時做緊一個好重要嘅位置。佢主力負責睇單，當忙嘅時候就幫手兼故餐堂內嘅寫單，傳菜，同收枱嘅工作，邊樣忙就幫邊樣。

唔好睇少每一個崗位，先講睇單，忙嘅時候「烹地喱」（行內術語，是一塊擺放寫好的單的板）可以有十零二十張單，張張都唔同字跡，而佢嘅工作就係當有菜出嘅時候，立刻指派人傳菜。舉個例，當下有三個炒蜆，兩個炸子雞，一碟炒芥蘭，一碟牛肉，佢嘅工作就係要準確地一眼睇出邊張枱叫咗邊樣菜，然後即時分配待應們把不同嘅菜傳到不同地方而唔走冤枉路浪費時間。（每個侍應手上最多能拿到3-４碟菜）

好多時候，同一時間會很多人叫同一味菜，所以會好容易睇錯單從而走單（有時出去食飯，明明自己嗌先，但隔離枱卻有先就係呢個原因），而且往往每碟菜屬於不同地方，要瞬間在「烹地喱」找出再分配，實在好難，好靠即時判斷能力。另外，其實出餐都唔係吓吓順次序㗎，有時為咗要快d番枱，會出咗菜俾某d枱先，要佢快d食完快d走。

收枱亦係一門學問。好多時候為咗快，要一個人徒手執拾餐枱上嘅碗碟拿到廚房。執抬並唔係指純粹地將碗碟拿起，而係首先將碗碟快速地執好，將茶杯放進碗，將小碗放進大碗（總之將小物件放進大物件以求“han”位）。然後用左手，以手腕和前臂用力支撐，將較大面積的碟拿起，把它們像扇子一般重疊著以求獲得更大面積擺放碗碟。以一張四人枱為例，大概會有三四隻大圓碟和橢圓碟，一兩個大湯碗，茶壺等，加埋每個客人嘅一set餐具包括碗，骨碟，茶杯，匙更，筷子，收起上嚟都真係幾係野，我極其量只能拿到一將四人枱嘅碗碟。瘋狂的是，屌那星，那個留學生卻間中能收拾到一張十人枱!!簡直痴撚線!收拾一張十人枱需要的除咗係死力外，更需要懂得把物件重量平均分佈，隱陣的擺放與重疊。佢成手加埋有成百件碗碟果種誇同振撼，真係令當其時嘅不少鬼佬食客嘖嘖稱奇,暗叫"Oh jeez! That's amazing! is that Chinese kung fu??"

呵呵, 你們鬼佬那種fine dining學百年也不會學到這種技藝的！

（就是因為fine所以才不會有這種奇觀出現在食客面前吧？！）

＊

對實幹派嚟講工作上係唔會有「做唔到」嘅問題存在，問題對於佢地嚟講只不過係一個task，並唔會難到佢地，隨之而嚟佢地係會諗點樣解決。遇到問題，佢地就會不停橫向思考(Horizontal Thinking)直至問題解決。如果唔係需要特別技能嘅工作，佢地無論做咩崗位都會能夠應付自如。

諗起讀設計時，我曾經問過阿sir咩野係設計，哈哈！咩野係設計呢個嘅看似簡單但又蠻複雜的問題邊可以一言半句答得清？但阿sir答得好好，令我印象好深，佢為設計下咗一個好好嘅定義，就係problem solving。無論個客嘅要求、屋企將椅坐得唔舒服、件衫唔夠靚，都係problem，而設計就係依據呢d目標去完成。當然，如果以狹義去講咩係設計嘅話，當然可以有好多唔同講法啦，但以一言半句嚟講，阿sir已經答得好精準。

講番實幹派，我係由衷地尊敬佢地，佢地對工作嘅態度，專注，同處事，我直情覺得係工作的藝術。如果硬要挑實幹派的骨頭嘅話，唯一嘅缺點就係缺乏天馬行空嘅想像力，皆因實幹派嘅思考方式都係以目標為本。而我當然唔係實幹派啦，我稱自己為空想派，擁有嘅只係想像和創意，工作完成能力偏低。當然我唔會甘於自己只沉醉喺想像之中啦，現時正朝著實幹派嘅工作態度嘅方向去。無論小至生活上嘅小task至到工作上嘅目標，都希望能做到「腦手配合」，諗法能夠和計劃一致地實行。衆多職業中，能同時兼具高想像力和高處事能力的人不多，出色的導演和建築師就是當中的極少數。

尾班車

2007-08-02T01:21:00.001+08:00

(please play the music)

午夜。

聽到引擎駛動時的隆隆聲響。

「死嘞！」我從樓梯急奔到月台，看到那輛火車離開。

呼～我曲着身子在喘氣，「唉，又要等半句鐘。」

這裡是個在鄉郊地方的一個小站，火車不會每次都在這裡停下。到了午夜時份，往往要等半句鐘才有一輛火車。

這個站並不是完全的密閉，只有站內的地方是被蓋著的。雖然天色已經黑齊，但我沿著路軌往外看，仍可隱約辨認出站的外面遍佈樹影。

雖然這是個小站，卻也有好幾個月台在這裡。我猜，應該有四五條lane吧。

諾大的地方，卻是這般幽暗，天花上掛著的就只是那可數的白光管。我討厭白光管，它散發的光，是寂寞的，沒有神氣的，沒有狀態的。光照下來的人都像一副副行屍走肉。

空曠的環境，煞白的光，偏偏遇著低低的樓高。在這無盡矮長的空間內，在幾近無聲的環境，把人的心情也壓得沉重。

想著想著，原來我經已坐在一橫木椅上。火車才離開不久，這裡當然沒有其他人吧。

感覺很孤獨。

腦袋被感覺帶領著，開始漫無目的地想著，想著。不經意的又想起了一些往事，

連串的flash back，xxx！為何又是傷感的回憶？難道我有的只是傷感的回憶嗎？我現在的生活過得很好呀！

我不想讓愁緒縕釀，於是刻意地想著其他事情。

想著，想著。是在想，也是沒有在想。

x x x

時間過了良久。

綿綿的白日夢不著邊際。於是我從袋子內拿出了小說，讀著。噢，怎麼已經追看了一陣子的劇情，好像沒有多大的印象？不過沒關係，我繼續看就是了。

劇情很懸疑緊張，令我看得入神。又不知過了多少時間。

「.....轟隆...轟隆！」火車駛動的聲音從遙遠傳來。把低著首看書的我從故事裡喚過來。

呀，火車到了。

x x x

有好一些歌總會令人浮現一些影像，我很多時候都想把它們記下，寫成一些故事，即使是零碎的。
而這一篇，就是把歌曲帶來的影象和感覺,混合了一些想像和回憶所寫成。

很喜歡Portishead,他們的旋律和女主音的聲線所拼發出的氣氛和感染力都很強，很哀傷。而且給我有很大幅度的想像。以前有好一陣子，我還真的會聽得感覺到難受。有機會再寫其他由歌曲而聯想到的故事吧。

Portishead - Roads

Heaven's Gonna Burn Your Eyes

2007-08-01T20:45:00.001+08:00

見到卡夫卡貼了首好舒服的曲，自己都忍唔住要貼一首。

唔好問我點解個鏡頭會一d都冇郁過，因為我都想知點解...

Thievery Corporation - Heaven's Gonna Burn Your Eyes

end & start

2007-07-31T04:35:00.001+08:00

Since a friend of mine having a graduation exhibition in City Hall, I went to Central after work. On the way, I came across Queen's Pier. I heard from news that Queen's Pier can't be kept in 2 days and gonna be removed. After a short hesitation, I decide to wander in it.

Honestly, I have no sentiments on it. When I was looking at every pieces of the pier i can't recall anything. I wonder haven't I been to here ever?

The pier's full of people today and many of them were carrying a camera. They were making the last efforts to capture for the memories. No, I dun have a camera, although I want to buy one. Instead, I use my mobile to take some meaningless "souvenir" shots that I'll never review. I seldom review my photos.

I love that atmosphere, everyone there is regardful yet melancholy, noisy yet silent. I keep wandering. This aged, rusty looking pier with dark grey walls & dim light gives a mood or smell, I dunno how to say it. To me it's like an old man telling me a old trivial story with a slow and low voice. Say it much exaggeratedly, I think I looking at a Baroque painting. On the stained walls, it's covered with a great deal of banners, photos and posters about the pier's histories, composed as a montage or collage. It's totally messy but not annoying. For what it's worth, the pier is real beautiful. I dun mean it by appearance, I mean its whole piece comprising its history, perfect spot, antique style...etc.

Some young people, mostly boys, are staying there in order to save the pier. Perhaps I am getting old, or I am becoming emotionless by having seen so many old buildings removed. I ain't affected by their actions. however, I do agree this kind of save action is necessary. It's arousing local attention to our city's landscape and history. Actually I am holding a positive perspective to the future of our city's cultural environment cause I see that there are more and more speeches concerning Hong Kong in the recent years which I didn't heard when I was young, such as arguing for democratic rights and preservations of cultural relics. So I think "we" are improving.

Probably, we won't success to preserve our "Queen" today, but I would say it's fine. The more important is that our civil conscience is rising. Even though we still have a long way to go.

After leaving Queen's pier, I went to the grad exhibition in City Hall. Geez...I haven't "smelled" of design for ages long, probably since the first day of my current job. The atmosphere here is totally different from the "Queen". It's fresh, young, energetic, delightful. It makes contrast to the "Queen's" sadness. I looked into the fresh grad-der's porfolio and I found there are plenty of talented people. Those architect-students shows they are skilled and creative. It's impressive. But to the Graphic students, er.......I think they are weak in both concepts and skills. Numbers of works are resemblance to the famous designs. I can guess they are lazy students. Anyway, I feel good by the "freshness" of the exhibition. Wish they will have a good start of their career.

x x x

Oops, I break my promise once again. I told my friend that I gonna stop blogging for a while in order to concentrate on something. Oh Damn, blogging is a real addictive poison that squeeze your life, yet giving you lots of pleasure.

I think I'll keep on & off writing stuffs until I am sick of it.

設計人筆記 ﹣ 關於選擇

2007-07-28T00:51:00.000+08:00

5)太多興趣/誤樂/資訊

呢個好似同專注力冇乜直接關係，反而跟選擇和專業有關。但覺得呢個有意思，亦係現代人嘅必修課題，所以記下。
「自互聯網開始，資訊泛濫，娛樂太多，現代人資訊和生活比幾十年前快和多咗N咁多倍」（介紹大家看慢活，我未睇，但聽講內容幾有意思），以上講嘅大家都知。而我所引申嘅係，選擇你想要和適合你的事物/興趣/資訊/知識已經成為一門學問。在泛泛資訊海洋中，你要游遍來找最好的東西幾乎冇可能，亂咁游會發現好多垃圾資訊令你浪費好多時間。

方法一，先要知道海洋的廣，再去了解海洋的深

以看書為例，「我想睇書但又唔知睇咩書好」，先要做嘅係大概知道書的種類，例如：我去

設計人筆記 ﹣ 論專注力

2007-07-28T00:21:00.001+08:00

看到馬老板那裡談及專注力，TK兄的留言所講的解決方法也很有意思。專注力在於我生活中係一個幾重要嘅課題，皆因我係一個缺乏專注力嘅人，令到好多事情做到一半未能完成。由於覺得有需要改善，所以不時都會諗有咩方法可以解拆呢個問題。經我粗略分析，缺乏專注力嘅原因如下。

1）跳躍式行為

首先講吓我嘅行為模式。我係屬於跳躍式，即係經常在做A事情嘅時候，做到中段就會俾B事情吸引，然後又再帶領到C事情去。即係好似你上網咁，睇緊A網頁嘅時候文章中段有條link,你未睇完就click咗link去B網頁,然之後又喺B網頁嘅文章中段link咗去C網頁,如此類推。於是乎，A,B,C網頁都冇睇完。咁樣做嘢其實好幣，因為就算你記得番要做A事情，但由於中間隔咗一段時間已經對A事情失去一點印象，於是又要重新諗過點做。所以學阿媽話齋，做完一樣事情先好做第二樣事情。

2）缺乏意志力

呢個係跳躍式行為嘅其中一個誘因。好多時做做吓野會覺得攰或者悶，無端走咗去玩其他野，於是乎工作未完成，番嚟又係吾記得咗做到邊。解決方法係訓練自己嘅意志力（難度極高），又或者鍛鍊記性（難度都係極高）。記性非常重要，無論喺任何類型嘅工作上都用得著。對創作人嚟講長時間記憶(long term memory)更重要，因為經常要睇好多野，忽然間諗起某樣野想攞嚟做reference，好多時候會唔記得出處。

3）胡思亂想

創作人嘅特性之一，唔亂諗野又點會諗到咁多奇怪有趣idea? 但胡思亂想亦通會令到productivity嚴重下降。皆因胡思亂想通常得到嘅係一堆零碎而冇用嘅思緒，而且漫無目的嘅思想係一個無底深潭，無節制嘅白日夢會浪費好多時間。所以空想到某個位時一定要識得停，而且一定要將諗法重新組織過才能化成有用嘅idea。在腦內思考時可能會有好多無謂諗法，但實踐時的確需要好多理性思考和行動力才能成事。

4）工作規模太大

當工作規模太大或太艱巨嘅時候，好多時候會把人壓倒，令人無從入手唔知由邊度做起，搞到東做一點，西做一點，成件事「散修修」。決解方法如馬老板和TK兄所說，（我再加一點補充），面對大工程時，先望一望個whole picture先，（設計人可先把project簡單地定個theme），然後將project斬件，分成一件件小parts，然後定立一個流程（我認為定立一個粗略嘅流程已經可以，因為太仔細嘅通常都跟唔足，然後流程變廢。），最好定埋每日要完成幾多，切記嚴格執行。

以上所講嘅解決方法起初會有難度，但我覺得keep住做嘅話會慢慢適應，陪養咗呢種工作習慣/狀態，做起事上嚟會幾得心應手。

暫時諗到嘅問題係咁多，歡迎討論，指正和補充。

是日工作排程 (熬底之政治正確修訂版）

2007-07-26T23:55:00.001+08:00

9:45am
遲到15分鐘，老細已經番咗嚟。「內疚」。（老細通常10點鐘左右先番到，如果早過佢番到公司，基本上遲少少都冇乜問題）

9:45am - 12:00pm
工作，近日主要係做d要對文件嘅工作，對住一大堆item no.好眼訓。但死忍，「努力工作」。

12:00pm - 1:00pm
老細食lunch。「繼續努力工作」，「偶爾上網搜尋資料」。

1:00pm - 2:00pm
lunch hour

2:00pm - 4:00pm
對住一大堆item no.好眼訓。「繼續努力工作」。

4:00pm - 5:00pm
回復神志清醒，繼續工作。

5:00pm - 6:00pm
老細5點收工。「繼續努力工作」，「上網搜尋資料」。

6:00pm
放工，「仍在專注地想着工作的事情」（吹水唔抺咀?!!)

手機（上）

2007-07-26T04:06:00.001+08:00

前日放工番到屋企，阿媽無端端送咗部電話俾我，佢話係信用卡送嘅免費贈品wor。不過我估佢係用積分換嘅，事關佢因為知道我原本用緊果部電話short得好犀利吓，所以睇吾過眼或者吾忍心，所以要送部正常嘅電話俾我用。呢部電話係Motorola嘅W375，屬於低階機款，部機個樣都幾好，但d分唇真係麻麻。我其實對手機真係冇乜要求，只要部機吾算大部，袋落褲袋吾辛苦，介面吾煩（用過有d電話真係好撚煩，load得又耐），可以打出打入，基本上我連影相呢個功能都好少用。所以只要滿足到以上要求，我都覺得ok。

啱啱開始用呢部電話就已經發覺有d吾對路，我諗住用blue tooth sync吓d phone contacts，小，點知原來冇blue tooth，算啦吾緊要啦，低階機冇blue tooth都吾奇。咁我入歌仔做鈴聲啦，易咦，發覺好似入吾到鈴聲(?!仲會有手機係吾可以入鈴聲嘅咩???)。我上網check check過spec，嘩！發覺部機只係內置1mb記憶體，1mb可以載到d咩歌呀，再睇，部機只係得24和絃鈴聲，吓，咁咪即係同midi聲差吾多...因為未得閒check真可吾可以入歌，唯有用住跟機鈴聲先。試咗幾首，都淨係得d類似"給愛麗絲"嘅歌仔，真係用吾落手，你話呢d歌仔響地鐵等地方度響幾吾好意思呢。結果都係用番最最傳統嘅「拎拎...拎拎...」算數。

手機（下）

2007-07-26T04:05:00.001+08:00

講番我部舊電話點壞法，我懷疑我部機舊電有d問題（咁驚?!又係舊電有d問題？喂大佬我擺部電話喺褲袋個wor,爆起上嚟真係「下半身都吾駛休」)，痴＿線，開頭用都覺得舊電ok襟用，但一年半載之後，即係近呢幾個月，舊電淨係用到一日，注意，係果日冇講過電話嘅話，舊電都淨係用到一日，如果我有日吾記得叉電，第日通常d人都搵我吾到...

不過，又吾可以怪晒部電話，因為我對電話係非常粗暴嘅，而且係同吸收知識嘅理論一樣。吸收得越多知識嘅話，學新知識嘅速度會越嚟越快；而我對電話嘅態度係，你新新淨淨冇穿冇爛嘅話，我會努力keep住你靚靚仔仔，如果你有日面上多咗條痕，我就慢慢開始放棄保護，而且越殘用得越粗。

我曾對電話做過嘅「強暴行為」：

曾經用過LG嘅摺機，我當時好鍾意將佢開開合合，覺得果吓彈力好爽（病態），於是乎就成日將佢開開合合開開合合、開開合合開開合合。有日，佢個連接位爆開咗...我都未見過有人用到部機可以咁爛法...

對上一部電話，我吾知點解成日會跌咗佢落地，大大話話可能跌過一百次都有，可能係潛意識專登咁做都吾定。吖，跌咁多次都冇事wor,於是乎，有一排我曾經經常「好瀟洒地離枱三尺咁將部電話拋落將枱度」。

所以部機short到咁,可能真係吾關QC問題...

期待下年iphone真係到港，我俾佢個interface深深吸引，反而開頭覺得過design就普普通通,但睇耐咗都覺得ok。希望到時機價同台費吾好「天價」得太犀利。喺本地嘅蘋果forum見到有香港人居然真係托阿哥買咗部iphone,為的真係只是試佢嘅介面，打吾到電話都冇問題！吖小，死＿＿有錢仔吖！搞到我又恨又妒。部機係正，但打吾到電話都買就真係有d痴＿線。

另外，聽講話今年imac果條line會轉樣，改用aluminium。聽落吾係太吸引，我都係鍾意依家嘅純白（亦即係ipod白）多d。睇過少少關於ipod嘅design,話說設計師jonathan ive為咗要做到膠下面嘅白色顯出有些少深厚(depth)嘅感覺,試咗好多種方法，最後試到用焗一種吾知咩野漆先做到依家咁嘅效果。話晒依家呢隻白色都係都係Apple嘅signature，如果全部放棄用白，好似有d可惜。不過見到衆多product如mac pro,cinema display等已經用aluminium，睇嚟Apple真係想轉trend，帶大家開始玩另一個潮流。

我的舊鈴聲 John Legend - Save Room
每次聽親都覺得電話響緊

電影配樂

2007-07-25T00:57:00.000+08:00

琴日<光明頂>嘅主題係電影配樂，陶傑邀請咗金培達做嘉賓作對談。內容好精彩，畢竟有識之士說話通常都很吸引，兩個見識廣博嘅人嘅對話就更加精彩，能從思想互換中拼發出火花，帶來富啟發性嘅見解。
由於覺得有意思，所以便將內容記低，順手加深記憶同鍛鍊一下組織能力。

金培達於談話裡提到，電影配樂就係為咗幫助電影
鏡頭內未能
每件樂器都有其自己性格，

Hey Hey You You，美式快餐搖滾

2007-07-23T05:30:00.001+08:00

呢個月來收音機不停播住一首歌，歌裡面有把𡃁妹/八婆聲不停唱著

“Hey hey, you you
I don't like your girlfriend
No way, no way
I think you need a new one
Hey hey, you you
I could be your girlfriend..."

不停的"hey hey you you"令我感到十分煩厭。在公司內，我是第一個非常有先見之明而且醒目仔地提出：「你覺吾覺得呢首歌好撚煩？」同事：「係呀，呢首歌真係好撚煩。」然而每次聽時我都覺得自己個人會變得非常mun tsang。
呢首歌係Avril lavigne嘅新歌 Girlfriend。

吾知係吾係真係有「催眠波段」(hypnotic waves)呢回事，抑或我個人真係short咗，喺經過咗一段時間後，我忽然迷上呢首歌，日聽夜聽不覺煩厭，仲要聽得好開心，直情認為呢支歌仔係夏日消暑嘅必備良品。每次聽親都覺得好似有個好巴喳嘅女仔喺我身旁纏住我講嘢，佢仲要為咗我而同其他女打大交...
同album嘅另一推介, track 5, When you're gone

我有時都幾鍾意聽呢類美式pop rock（嚴格嚟講Avril Lavigne應該係加拿大歌手），簡簡單單旋律易記，聽一兩次已經入晒腦，而且由歌詞到氣氛都十分淺易同直接實在吾駛點樣用腦，加上爽快嘅節拍，令到心情變得非常輕鬆。我聽親呢類型嘅歌嘅時候，心裡面都會聯想到一個炎炎夏日裡陽光普照嘅正午，街上佈滿行人，熱鬧非常嘅景象。令我覺得好似放緊暑假。
聽得多d moody嘅歌，有時聽吓呢類歌都幾好，尤其對我呢挺「不定期性情緒兩極症病患者」（bipolar asshole)嚟講，美式pop rock實在係出外旅行和居家必備嘅良藥。

其中一隊我好喜歡的美國pop rock band就係Blink 182（Blink 182啱啱散咗一兩年）。佢地專玩輕快嘅歌曲，catchy嘅結他旋律，緊密嘅鼓擊，聽得人都變得衝勁十足。
望見呢挺美國band，令我成日有一種感覺，覺得喺外國玩band係一件非常開心嘅事，好似冇乜煩惱咁，畢竟文化吾同，冇得恨。另外，佢地成身紋身，但又吾會覺得佢地好爛仔反而帶點傻勁，喺香港，你紋身紋到咁真係出親街都俾龜𢭃到你傻。吾知香港幾時先容立度多d「非我族類」嘅subculture。

好喜歡Blink 182嘅 I Miss You,雖然吾係佢地最拿手嘅快歌，但幾好聽，我都係因為呢首歌先開始聽佢地。

書展後記

2007-07-23T02:49:00.001+08:00

真羨慕Zyrix嘅「打野速度」,同佢去完書展逛咗成日，番到屋企冇耐啫，就見到佢update咗篇成千字嘅新post，我打電話問佢用咗幾多時間去打呢篇野啦，佢答我話剩係用咗一個鐘(!)。一小時打1000字，即係每分鐘打16又2/3個字，仲要係連埋思考。如果要我打一篇一千字嘅post，我諗閒閒地要3-4個鐘。冇辨法，我嘅持久力比較強。

記得對上一次去書展已經係七、八年前，果時書展同漫畫節仲未分家，我去都係為咗買漫畫精品同刀刀劍劍、海報之類。而家見到呢堆雜物就頭痛，都吾知點安置佢地，dum又覺得可惜，認真眼冤...

今年忽然間想去感受吓書展，於是就夥同Zyrix一齊去。去罷，嘩！見到會展門口已經嚇親，駛吾駛咁多人？見到咁嘅場面已經暗叫不妙，心諗冇半個鐘都入吾到場。

展覧場地為避免過份擠擁導致混亂，一如以往地用上大量鐵馬排成「之」字形，實施放狗/放羊制，每隔一段時間先會放一批人入場。在等候放閘時，我同Zyrix講，「喂，我地其實吾駛等㗎，呢道有個實Q睇吾到我地嘅死位，只要我地擒過呢隻鐵馬就會快好多。」「好多人望到我地個wor。」「車~ 佢地只會帶住羨慕同妒忌嘅眼光，敢怒不敢言㗎...」我都吾係十八廿二喇，已經冇咁好耐心慢慢排隊，加上自己好討厭呢種放閘式排隊，每次都會覺得自己吾係一個人，而係羊群裡面嘅一隻小綿羊，正在靜靜地等待牧羊人開閘放我出去散散步...

聽講話今次書展比往年開多咗好幾個館，總共有五個展覽廳咁多，印象中好似有兒童館,大陸館（國內書籍）同埋三個「正常書類」嘅館。吖頂，開咁多個展覽廳好似幾好咁啦，但吾知係因為怕混亂問題，抑或想你行勻晒所有展館，於是場地實行單程制，要你去咗一個館先可以再到一另個館。小，咁嘅做法令到整段路程更多人和更加慢，於是我就同Zyrix好似打RPG game咁由創界山嘅第一層開始打上去，第一關係最無聊嘅兒童館，跟住就係次無聊嘅大陸館...經過45分鐘嘅過五關斬六將之後，我地終於去到啱我地口味嘅展館。都吾知邊條粉腸諗單程制...

展館好q多人，無乜心機去行晒所有灘位，於是剩係重點行d大出版商。當中都見到有好幾本書想買，不過都係吾舍得買，寧願遲d喺書店打書釘好過。最後我剩係買咗渣爺同埋陶傑本新書。hahaha!渣爺本書真係好好睇，幾乎每一篇都非常精彩！當中有抵死幽默，有味笑話，世俗智慧，亦有不少文章睇到我好感動。我估渣老闆必定係一個幽默而且敏感細膩嘅人，於平凡事物當中佢都總能洞悉出一些見解。我都好耐未試過睇書睇到咁開心。

諗住離開書展時，途經CUP出版社嘅小檔口，我走去𥄫𥄫啦，望望吓發現陶傑佢喺裡面！佢並吾係簽緊名，而係同一個應該係印藉嘅人傾緊偈。我不嬲都鍾意陶傑嘅文章，但從來冇諗過會見到佢真人。我好吾專注咁望吓d書，周不時裝吓佢。佢真人幾高大，而且比相片看來略胖和飽滿，並不似我印象中嘅瘦弱。我諗一諗，即刻拉埋Zyrix去另一個出版社買佢本新書然後搵佢簽名。一來一回吾超過七分鐘，DLS，佢已經吾見咗人。咁難得嘅機會都簽吾到名，感覺有點可惜。睇檔嘅女仔見我裝裝貢，問有咩可以幫到我，我想確認一下於是問佢陶傑係咪已經走咗，佢可能見我攞住另一個書社嘅書嚟拎簽名攪攪振冇幫襯，面上欣勤嘅笑容頓時黑如死灰答曰：「陶傑已經走咗。」吾知頭吾知路嘅話爭d以為佢講緊陶傑已經不幸身亡。「想黑面？慢慢變黑又得，立即變黑都得，得咗！」

Ino,雖然大部份設計書減至八折，但我真係吾覺邊本書十分吸引。幫吾到你買書，吾好詛咒我呀，hah！

流行曲

2007-07-19T13:30:00.001+08:00

廣東流行曲並不是我最喜愛的歌曲類型，但妳卻很喜歡。而我所喜愛的任何一首外語歌，你都沒有多大的感覺。
或許，從這微小的分歧中，我早就知道妳與我的不同，清楚這段感情並不會長久。

每一首歌，都總會承載着一些回憶。猶其是流行曲。

流行曲經常在一段日子裡不停地播着，久而久之，它會替你記著那段時光裡發生過的一些事情。時間流走後，當你再去聽那首歌，記憶都會一併走回來。縱使那是無關痛癢的小事情。
小至妳和我在某夜在街上閒逛，或者在海邊的一些閒聊。而最可怕的是，當時的感覺我都能隨著歌曲因而記起，但可惜那些快樂的日子都已經過去。
和妳分手已有一年多，我也放下了這段感情好些日子，但當每次再聽到那些歌，我的心仍會不其然酸一酸。

忘卻了的事情，何以又要記起。

我記得你曾經用過煙霞作為我致電時的鈴聲
記得你送過 The way you make me feel 給我
記得我懶浪漫地為我們定下過以精選作為我們的主題曲
記得我要妳教我讀國語，於是妳教我唱童話
記得我喜歡對妳唱冤氣，借故說出那些歌詞內容

你說你喜歡廣東歌的簡單和親切。
而我，我喜歡你的平易近人。我喜歡妳的積極，妳的率直，妳的善良。妳的所有都是我的相反。其實我並沒有多大優點，我也不明白為何當時的妳會喜歡我。
也不明白為何在分手不久後妳就能把我完全忘記，半點不留。
或許妳太理性，太清楚大家身處異地不大可能繼續這段感情。而我反而太感性，常要做一些不切實際的夢。

間接得知你開始了一段新感情，無論是由衷，抑或偽善也好，我都想對妳說句：祝妳幸福，和活得快樂。縱使妳沒在看。

爛GAG

2007-07-18T20:32:00.001+08:00

「吓,咩話？周姐撚條不能洩的廢物就嚟上？上邊個呀佢？」

「哦~原來你係講緊周杰倫套<不能說的•秘密>就嚟上畫...」

關於中國

2007-07-17T01:33:00.000+08:00

＊轉載自梁文道於都市日報的專欄「兵器譜」

2007年07月13日，兵器譜：全世界中產階級的敵人

中國到底有多可怕？「因為世界各地的經濟活動大量外移往中國，包括美國在內，所有國家的中產階級都因此毀滅，因為中產階級工作機會隨着外包消失了」。

這是著名經濟學家，麻省理工學院史隆管理學院前院長梭羅(Lester C. Thurow)在他近著《當中國成為第一》中的一句話(見台灣《商業周刊》第1024期)。這句話精簡準確，把自從《世界是平的》一紙風行以來的全球共識用相當駭人的方式說了出來：中國是全世界中產階級的大敵。

外包當然不是甚麼新鮮事，只不過現代資本主義發展史上，從未見過有任何一個國家可以獨自吞噬那麼大量那麼多樣的工作機會和工作程序。今天的中國以一國之力吸納了二三十年前由東亞四小龍等一眾新興工業經濟體瓜分的市場，它又怎能不成為眾人矚目甚至怨恨的巨大目標呢？

你以為中國只能生產低端消費品嗎？今年初當英國名牌服飾商Burberry關掉它本土最後一家工廠，宣布將全部生產線移往中國之後，大家就知道中國的潛能遠在意料之外了。

對很多經濟發達地區的受薪階級來講，他們面對的是一場嚴酷的競爭。以一個普通美國工人來講，雖然「沒有階級的社會」早就成了一個褪色的神話，他可能還會在民意調查?面聲稱自己也是「中產階級」；但現在的他發現了，和他搶飯碗的原來是大洋彼岸一批住在條件差劣的宿舍?，月薪只有一百美金左右的中國人，他能不直覺地生起一種解釋不清的不公感嗎？如果他減薪了，甚至失業了，你覺得他會相信「中國正在傾銷產品」還是「經濟正在轉型」呢？哪一種說法更直接、更簡單、更明確呢？

這種切身的經歷和原始的感受正是一切中國威脅論的基礎。相比之下，所謂的中國軍事擴張和「中國式殖民主義」根本就是小兒科。建基於這樣的感情基礎，「中國操控人民幣匯率」的說法才會擁有巨大的市場；就算有再多的經濟學家力陳利害否定簡化，但還是有很多政客要求中國加快人民幣升值的速度。

可見要化解中國威脅論，不是一種簡單的宣傳工作就可奏效，即便中央政府喊出再多的「和諧口號」，從和諧社會一直到全世界，你一天消除不了人家那種最切身的不公感，它就總會改頭換面找到第二個出口。

---

2007年07月16日，兵器譜：當飯碗的問題成了飯的問題

最近中國產品的安全問題成了全球媒體的焦點。上一期的美國《新聞周刊》更以此做了封面專題，把讀者的視線從中國出口的商品拉向中國內部的市場，似乎是要告訴大家「毒牙膏」和「毒寵物食品」還不算甚麼，中國老百姓自己過的日子才叫苦呢，從食水到空氣無一不毒。中國真是一個冒險家的樂園，危機四伏，你買的東西幾乎沒有一樣是可以完全信得過的。

無獨有偶，CNN又把中央電視台拍到的地下包子工場透過衛星傳向全球。那些包子的惡劣生產環境，我們或許早已見怪不怪；但外國朋友可就真是看得心驚膽戰魂飛魄散了。如此一來，外國消費者不只不會感到慶幸，覺得自己比起一般中國人實在是安全得太多；反而更強化了凡是「Made in China」盡皆次貨的印象。就拿日本比較吧，日本出口貨也不時傳出有害劣質的醜聞，但大家都知道日本國內市場那一關倒是把得格外嚴厲。簡單說，它是「嚴以律己，寬以待人」；可中國卻自己人受害更慘。它連對自己人都這麼狠，對外人還會手軟嗎？

在這片「中國產品威脅論」的浪潮之中，最高興的大概就是那些正被「中國消滅的全球中產階級」了，尤其是那些被「中國價格」壓得抬不起頭來的廠商，他們終於找到喘口氣的機會了。過去這些廠商和工會利用的是「人民幣匯率被操控」和「中國政府透過出口補貼搞傾銷」這些理論，好向政府和政客施壓要他們出頭幹點事。但是這等說法一來會招惹「保護主義」之譏；二來又明顯和消費者的錢包有矛盾，因為中國貨確實是便宜。你憑甚麼要大家為了你的飯碗多花幾塊錢呢？

現在可不同了，這批廠商和他們僱員的飯碗問題首度和消費者那碗飯本身結合起來；中國貨不只威脅工人飯碗，還威脅到大家的生命安全。這種最新版本的中國威脅論固然也可以用作游說政客的利器，要他們對中國產品施加更嚴格的檢驗程序(美國已經有國會議員這麼提倡了)；更厲害的是它直接訴諸消費者的個人利害，能夠漸漸形成中國產品不可靠的普遍印象。換句話說，它的對象不再是政府高層，而是普羅大眾。因此對付這套新版威脅論要比對付老式的威脅論難多了，它不只是談判和游說的技巧問題，而是深遠廣闊的信心問題。

更不妙的，是一定有商家會藉此推波助瀾，把它變成促銷自己產品的商機。早在中國漸成世界工廠之初，就有個別歐美廠商打出「本地製造，質量更好」的旗號了。這也呼應了許多企管專家的建議：對付中國價格的唯一出路就是轉型，若要堅決支持製造業，就得邁向更高端的市場。如今的中國產品安全問題等於為他們賣了一場免費廣告，替他們省下不少工夫，自動造成一個市場區隔。換了是我們自己，能不利用到底嗎？

想敗家

2007-07-16T03:46:00.001+08:00

我已經好耐冇乜點理個人裝扮，出街時極之求其，呢排身痕，突然想執番正自己。睇中咗Dior Homme一條價值720蚊嘅double belt。好想買，但又覺得好貴。但對比起佢其他accessories,720算係平到笑。

＊＊＊

明明冇畫畫好耐，但無啦啦居然想買本moleskine嚟練吓hand drawing。好似係A5 size，240頁，盛惠$178。

設計人筆記

2007-07-16T03:15:00.001+08:00

於雜誌看到鬼佬設計師於訪問中淺談香港和中國設計，裡面談道香港設計並不差，但就係不相信自已和自已的審美標準，經常要有外人讚賞才有自信心。我睇完覺得好中，正正係我心裡面嘅某些諗法，雖然又一次證明要有外人講咗呢個觀點我先至覺得夠supportive去講呢個睇法。

(TAKE IT WITH A PINCH OF SALT,OR MORE!)

港人普偏就係愛自輕，自嘲，自我矮化，愛挑衰嘢嚟講（強調，港人包括我在內）。好嘢通常無乜人提，提咗都無乜人愛討論。相反，衰嘢人人愛講，愛聽，愛插埋一份。好嘢冇乜人讚，做衰咗嘢就俾人插到"pa"街，難怪build up吾到自信。所以話，我覺得咁難建立到本土特色同呢個原因不無關係，「自己嘢永遠係差d」呢個諗法根深蒂固，因此成日覺得外來嘢先係正嘢。客係咁諗，設計師又係咁諗嘅話，香港個look就只會變得越嚟越鬼佬化或國際化，本土特色好難起頭。

雖知道，插死一樣嘢好容易，建立一樣嘢卻好難，我想提出嘅只不過係，喺插一樣嘢嘅時候，不妨順手諗多少少，諗吓件事需要點樣改善先會更好。

另外，我常疑惑嘅另一樣嘢就係，香港嘅設計程度去到邊?just in case,如果宏觀嚟睇，我地嘅設計程度仲係“發展中國家”，咁我地仲乜成日要去同其他“設計發展完成國家”去平起平坐咁樣比較嚟令到我地相形見絀?我地不如都係繼續努力做好本份好過啦。

近日又見到關於香港抄襲外國設計嘅事，雖然真係有點兒羞家，但請大家大動肝火之餘，不要忘記香港並不是一面倒的壞，其實香港仍有吾少美麗嘅事物值得我地欣賞。

最後我想提番呢句「不相信自已和自已的審美標準，經常要有外人讚賞才有自信心」。
各位設計及創作人朋友，俾多d信心自己，如果覺得自己啱嘅時候記緊努力堅持（但又吾好變咗固執）。你嘅努力可能未必咁快會見到回報，但終有一日你會見得到自己滿意嘅成績。

---

7月17日補充：

「如果宏觀嚟睇，我地嘅設計程度仲係“發展中國家”，咁我地仲乜成日要去同其他“設計發展完成國家”去平起平坐咁樣比較嚟令到我地相形見絀?我地不如都係繼續努力做好本份好過啦。」

有感呢一句說話表達得吾好，所以想作多一點點的補充。

將兩件事物比較，往往令我們更能看清兩者的優點和缺點，從而吸取好的來改善不妥善的地方。所以我們應該繼續去比較。而我之前其實係想帶出一個正面訊息：「我地並吾好因為暫時咋過人地因而覺得香港永遠吾會可以做到人地咁好，如果繼續努力嘅話，終有一日會有好嘅成果。」

＿片分享，及迷思

2007-07-15T02:19:00.001+08:00

警告：以下內容或會引起閣下某些「不安聯想」，女讀者及精神潔淨者請勿閱讀。
Attention: if you are interested in "certain kind of movie", YEAH! You're welcome!!

我剛剛看了一套日本電影，故事講述男主角對「渴求」的追尋，以及於追尋時的迷茫的不停前進及抽身，和不停前進及抽身。可是，主角最後還是為他的「渴求」而感到不適，最後「嘔吐白沬」，繼而離開。故事內容雖然並不新鮮，觀衆已經看過這種橋段不少次。畢竟，愛看這類型片的人就是喜歡這樣的情節，所以不會介懷。

片中有一段講到，男主角想送一件事物給女主角以證明他對她的愛，那是一件對男主角十分重要的東西，是他珍藏了很久，自出娘胎便「keep住」的一支lollipop。女主角好像有點不好意思接下這件對男主角非常重要的糖果，臉上帶著腼腆地猶疑着（按：快d啦阿姐！），「攪一大輪你推我讓」之後，女主角終於都收下。她為表感激男主角的寵愛和禮物，於是乎很認真地「嗒真」這糖果。她臉上展露了歡顏，看起來「吃」得很享受似的，過程中慾言又止、吞吞吐吐，而男主角看來似是自鳴得意，因為他一臉陶醉，我仿佛感受到他的靈魂已經遊離太虛之外...

鏡頭運用及分析

喺呢一幕裡面，自女主角把lollipop接過之後，導演為emphasize女主角內心那種交雜著感謝之情和貪/擔享著lollipop的津味的複雜情緒，所以把鏡頭集中pan向女主角嘅「大頭」嚟focus佢嘅表情及動態。此外，為深化觀衆嘅感受，導演苦心經營，運用一個長達三分半鐘嘅長鏡頭嚟交待呢段情節。
女主角交足戲，不慌不忙不溫不火地把這場戲演活，作為男觀衆的我看得入神。但係，呢一幕有一個吊詭之處，就係因為導演為重點表現女角動態，男角未能入鏡又或者只有小部份入鏡(?)，於是乎，以電影學嚟講，男女性觀衆通常會分別代入相同性別嘅角色，但因為呢一幕裡面男角入吾到鏡，作為男觀衆嘅我唯有變相投入咗女主角嘅角色。忽以間幻想到自己「享受」著那支捧捧糖，突然滿心不是味兒...

好彩明白到原來只不過係代入而以，吾係我爭d都以為喺我潛意識裡面，其實自己鐘意食捧捧糖。

關於工作

2007-07-12T00:40:00.000+08:00

好攰，上個禮拜勁加班，有三日仲係加到十一點，朝九晚十一、真係做到人都呆呆哋。做野忙其實都好正常，但最慘係永遠未到最後果個鐘都吾知幾點放工，因為個西客成_日吾到我地臨收工都吾打電話嚟話俾我地公司聽有野要改，於是乎每日嘅五點半鐘，我地公司上下都係喺惶恐中渡過，搏一搏「吖，今日吾知可吾可以準時收工呢？」，上星期難得有日準時放工，攪到我爭d想走去還神謝一謝恩。

我做果間係細公司，全公司得果8個人，親朋戚友愛問我公司有冇女，問我生活“齋”吾“齋”,我總會咁樣答佢地「有呀，有一個囉，果個就係老闆娘，仔都生埋喇」。
同事嘅年紀大致上同我相近，都係廿零歲左右，大家都算啱傾，唯一果個三字頭嘅阿head，成日都令到我好撚肴好撚驚。因為每當佢見到你好似/好似將會/好似已經/已經做錯野嘅時候對住你就會大大聲呼喝!「喂，你做咩咁做呀?!!」而且多數都吾會先問清楚件事嚟俾你解釋，就會兜口兜面插咗你先，所以每次我都好似有種俾人兜巴刮落嚟嘅感覺，而且仲要係冇得出聲果隻。

喂大哥，做野啫，冇錯，有時我真係做錯，但係都吾洗咁大反應呀？你指正番我咪得囉，你兜野插落嚟對件事都無幫助架...其實你插都算喇，話晒我都真係做錯，最最最撚難頂係佢吾係淨係插你做錯d咩，而係有時佢會喺插撚完你之後送多你一句感性問候，帶有嘲諷意味嚟同另一個同事講句：「哈，咁簡單都可以錯個“和”」嘩~~聽到呢句野，個心簡直“腰”到呢，真係叫你無地自容得要死。小，你插件事都算真係圍繞緊工作嚟講吖，但你d個人感受吾好係公司出現俾我聽到，不如等你留番喺初一十五中秋端午聖誕新年清明重陽拜山先講啦!!

唉，呢個係我阿head，加上我又係passive aggressive果類人，吾鍾意同人反晒枱咁嚟嘈，有氣都寧願留番嚟暖暖肚，所以我通常都冇辦法，唯有硬食，但有時個心都會梗住梗住。cher,我冇理由要做野做到個人咁吾開心啫，所以呢個都係我轉工原因之一。
持平講番句，阿head個人喺off work時冇乜野，但做野時就真係有d難頂。

呢份都算係我正式第一份fulltime。話說年多前我啱啱喺澳洲番嚟，因為有好多問題纏擾住我，所以我嘅生活十分潦倒混亂，自我形像極其低落，我望鏡，淨係見撚到一條廢柴。

冇cert冇能力冇自信，咁嘅廢人邊個請?幸好，有一間工司請咗我，就係我依家做緊呢份工。冇錯，人工係奀，吾多野學，甚至工作內容有d無聊，但其際上，要做嘅野要又吾係好難，所以呢個價無好厚非。況且，我又真係個廢人，工作態度差遲到乜都吾識發夢遊魂做野慢，人地出咁嘅錢，我又俾番幾多野人？

已經係度做咗年幾，關於設計方面可以學嘅野吾多，要學嘅都學得七七八八。工作態度方面，雖然依家仲係乏善足陳，以上毛病都仲有不少，但我嘅工作態度就真係慢慢改善緊。雖然真係好慢。

要向老細講聲多謝，多得佢呢年多嘅容忍及包涵，更加要多謝佢俾個機會我令我有個地方去學習做番個人。

迷茫中

2007-07-04T04:59:00.001+08:00

寫了blog三個月，日子不算長，但每天都會逛逛自己個blog,所以日子好像過了很久。

第一次非常沉迷寫blog時是在第二個月的時候，那時沉迷得不得了，每刻都在想寫blog的事情，上班時在想，放假時在想，常常在腦海內尋找無聊笑話和自己的看法作題目。那時還開了另一個blog，想寫其他的題目，但發現自己就連一個blog都應付不了，開多一個blog幹麼？

第二次非常沉迷是在一兩星期前，極愛逛別人的blog，一日去幾次！看了別人的有趣內容，自己就更想寫blog，沒完沒了。可能一下子的熱情推得太盛，於時寫blog衝動一下子冷卻下來。

這兩段時間都覺得自己blogging得有點瘋狂，無法投入做其他事，好像荒廢了什麼似的。心裡知道要停一停，但卻有點不能自拔。突然，那鼓熱情終於冷卻，我可以清醒地想一想怎樣平衡寫blog和日常生活。

不要以為有些題目看似短短的數百無聊字是很隨手寫下的，我性格散漫，打字慢，組織力弱，於是短少的文字也可花我數小時去寫，加上愛改文，所以又用多了時間。所以其實很少題目是很隨心一邊想一邊寫的。這篇算是少有的例外。

另一方面，我一直在煩惱我的blog該怎樣寫下去（?!),我該自顧自的「亂咁寫」，只作為老友間的聚腳地嗎？還是有對象的去寫，和其他博客一起吹吹水？

如果以有對象的去寫，其中一個難題便是寫blog時的「說話態度」，因我態度很迴異，有時很尖刻，有時卻很富同情心(?!),有時很暴燥，有時則感性得可怕。看到一時「難堪一二事」，一時「衛斯理藍血人之民族自卑」，我都覺得看者會感到無所適從。

在網上清楚表達／表現自己其實是很困難的事情（最少對我來說是很困難。而且其實有沒有必要清楚表達／表現自己？）。我在嘗試怎樣去清晰地，盡量忠實地表現「我」，而且盡量縱合出一種態度去寫。

我就是這麼的小事也要去鑽一鑽牛角尖，要煩一大輪的西人。

又另外，我早已計劃於十月轉工，我這時候應該在忙狂做profo，不應太花時間在寫blog上，於是我在想應不應該把這blog荒廢三個月。雖然覺得有點不捨得。再另外，我其實也真的挺愛設計，我想專注地、認真地寫一個只關於設計的blog,所以可能會不再寫個人的事情，我正在抉擇中。

如果你有日發現這blog荒廢了很久，那我定是在專注些什麼事情，而不是把這blog放棄。

總之我一定會繼續寫的。

柒壹雜感

2007-07-01T21:53:00.001+08:00

那邊廂，維園裡人頭擁擁。他們在表達對政制的不滿、用自己的腳步、衆志成城地嘗試改變現狀，縱使未知結果如何，最少他們盡力過。

我自問政治冷感，很少關心時事、對政事一知半解，所以沒有參與遊行。說實話，朋友Zyrix隻身參與遊行，電話裡，我關心的只是「喂，行一轉要用幾耐呀？」「最快三個零鐘啦。」「咁耐㗎，咁吾悶吾悶呀？」「........」

其實我也認為作為一個公民，應該多了解、參與政事（這裡指做選民投票等事）。社會是大家共同擁有的，不應漠不關心，否則，你從不參與的話，倒頭來有任何政策對你做成影響，你亦沒有資格說半句話。

我的公民意識仍只是停留在「意識到要有公民意識」階段，還未去到參與的程度，所以實在也沒資格說什麼批評，亦無太多不滿。

他們在流著汗水迫入維園，試著改變現狀。我在旺角流著汗水迫入餐廳，和朋友聚一聚，吃個下午茶，說些閒聊。

＊＊＊

這邊廂，碼頭外人頭擁擁。情侶，朋友，家庭們，普天同慶地享受著這天假期，欣嘗著天上的煙花。

朋友Nayr在下午茶過後邀我去尖咀晚飯、喝酒，說要介紹些朋友給我認識。我其實有丁點兒social phobia，不太熱衷認識新朋友，於是獨自歸家去。

回家路上經過碼頭，正值放煙花的時間。

碼頭外人山人海，衆人欣嘗著煙花美景、讚嘆著，一片歡樂。我在旁邊經過，隻影抬頭一望天空的餘光，然後又是繼續回家的路途。

我是九十年代 - Britpop (3) - 開到茶蘼

2007-06-28T04:09:00.001+08:00

其實Britpop這花早已在本世紀初時已經開始淍謝，前一篇文中說過的樂隊有些已經沒在玩，有些已經失色，有些已轉了風格。總言之廿一世紀已經不是Britpop的天下，我猜現在大概沒有哪一種曲風是主流吧。

這年頭仍在玩Britpop的已經沒幾人了，Travis這隊「死淨」的Britpop band在上月推出了新碟 The boy with no name。這碟很好聽，全張碟都很出色，幾乎沒有哪首歌平庸乏味。很難得他們仍在繼續這種曲風，而且能夠玩得非常動聽。雖然現在只是六月而已，但我已認定這是今年最好聽的一張唱片。

很喜歡他們的「老套」，聽到這種十年前的風格的歌，難免發一發白日夢、懷一懷舊，因此才會有「我是九十年代 - Britpop」這題目。

這封套拍得實在很美, 而且跟他們的形象和風格很佩合。

Travis - Battleships

雖然這不是全碟最好的作品，但我十分喜歡此歌的「老套」風

我是九十年代 - Britpop (2) - 花開正茂

2007-06-24T18:48:00.001+08:00

90年代中後期係Britpop呢朵奇花開得最最最燦爛嘅時期，好band多得數之不盡！而且好多碟質素奇高，有不少成為經典，吾怕誇d講句：正碟多得可比漫天煙花，目不暇給！

我愛
Oasis嘅傲慢，
Blur嘅爽快，
Kula Shaker嘅梵音，
The Verve嘅迷幻，
Suede嘅暗姣，
Pulp嘅既淫且賤， (個mv扮film noir,超正!)

當然不少得Radiohead。

講到Britpop，點可以吾提Radiohead？我敢寫包單係上世紀末、本世紀初其中一隊最偉大嘅樂隊。佢地嘅 The Bend (2nd album), OK Computer (3rd album)絕對係經典，相信喺Britpop呢個Genre裡面以後都無來者可以超越度佢地。Radiohead嘅旋律悅耳，時而哀傷時而暴怒，歌曲裡嘅愁雲慘霧簡直就係陰晴不定嘅英倫寫照。

我總覺得落雨嘅日子聽Radiohead係最正，個mood零舍夾。

能夠成為經典，除咗由於歌曲好聽外，當然要有一定程度嘅時代意義來喚起當代人共鳴。
Radiohead嘅歌詞及曲風帶著一種空虛失落、自我孤立嘅紛圍，正正反映著90年代嘅人嘅alienation。90's開始，沉迷消費、電腦、電玩、動漫等成為大趨勢,年青人在現實中吾多識社交同表達溝通（我都係其一），成日木口木面，仲要覺得世界欠L咗佢。吾識/吾想面對現實，自然有好多不知名嘅怨忿，唯音樂成為心中不滿嘅寄托。

新世紀呢部動畫經典又係有其時代意義。故事主角性格迷罔、優柔寡斷，對於現實充滿無力感（於新世紀前，漫畫主角多是勇敢堅強）。你望一望認識嘅人，發覺故事主角實有一個喺左近。

再說，御宅、單身寄居族、M型社會，是一個是社會問題，抑或是社會的必然趨勢？

我不知道。

Radiohead - No Surprises

我是九十年代 - Britpop (1) - 初放花蕾

2007-06-20T01:56:00.001+08:00

細個成日問人興趣係乜，其中一個常見答案就係「我鐘意聽歌。」我自問聽歌不少，亦有吾少鐘意嘅歌同樂隊，但聽歌就硬係稱不上為興趣。我自己冇果種熱情，所以暗生懷疑之念覺得佢地誇大其詞。直至半年前阿哥送咗部mp3俾我，我成日聽，番工聽放工又聽，前幾日放工搭船時聽聽吓歌突然覺得，吖，原來我都真係鐘意聽歌個喎。

早前執拾itunes內嘅歌，先發覺自己特別喜愛90's嘅曲風，尤其是Britpop。我同年紀相約嘅朋友傾起呢樣嘢，朋友答道：「梗係啦，你喺呢段時間大嘛~」咁又係嘅，成長時接觸時嘅事物印象總特別深。記得剛開始聽歌時係因為阿哥以前經常開903嚟聽，當時收音機經常播Britpop。早期嘅Oasis, Blur,中期嘅Radiohead,Suede,冇一隊係吾正嘅。我曾經迷過Suede,就係喺佢地嘅高峰期，即係Everything will flow果期，首歌寫得好好聽，但亦都應驗咗個歌名，呢隻碟之後佢地就開始dup。以前嘅Brett Anderson絕對稱得上靚仔，略瘦加上少camp，呢個就係果期嘅英倫band仔嘅必然打扮(亦即係Dior Homme果隻look）。見到佢依家個樣一臉吸毒後遺而且歌路又冇晒風格咁重出江湖，有咩野好講？我冇眼睇佢破壞我d fantasy，剩係想叫佢番屋企訓覺。冇錯,非hardcore fans就係咁涼薄。

Britpop實在好聽，旋律優美，佢同美式搖滾嘅分別好易聽得出，英式有一種柔揚、精妙，美式則不同，鍾愛似狂嘅氣勢，不太著重旋律，喜愛把結他粗野地轟轟轟! (試幻想Nirvana) 這個或多或少跟民族性有關係吧。美式搖滾雖有佢嘅味道，但實在Britpop才係我嘅最愛，基本上即使吾係我鍾意嘅英倫band,總之係呢隻曲風或呢個時期寫嘅歌都一定係我杯茶。

Ps:歡迎大家在此留comment談Britpop。

Oasis - Don't look back in anger

Muse - Knights of cydonia

2007-06-19T12:01:00.001+08:00

呢個MV好爆，正得無話可說，必睇!

果d祒氏式嘅武打加獨行俠風格再加少許星戰式科幻，無端端加插埋飛鷹蒙太奇，我已經笑死咗

ps:寫於6月25日

Semen le Yellow

2007-06-19T12:00:00.001+08:00

這是近期最brainstorming的一句話：

「(佢地嘅) Presentation做得乍! 乍就係錯!」

這句說話很6個 I, 5個 E
innovative,impressive,inspiring,intriguing,interesting,itching
economic,elastic,exotic,erotic,ejective

因為它是出自本地名導演﹣﹣﹣
Master of C movie, Semen le Yellow。

既然王晶導演都敢於不諱言大膽批評人地d野乍，小弟以後就大可放心充當半個Art Critic喇。

ps:寫於6月24日

Gay Bomb

2007-06-18T02:34:00.001+08:00

美軍曾考慮研製「基彈」抗敵，企圖改變敵人荷爾蒙，令敵方變成「基佬」無心戀戰，只顧在軍中大搞同性戀...（蘋果日報）

嘩！咁都俾d美國佬諗到令敵軍沉迷斷背，然後攻其不備？！都幾毒wor! 但又真係幾有創意... 有見及此，小弟特別誠意獻上以下一圖，供大家欣賞。

伸延閱讀：Gaydar
(多謝暗黑的卡夫卡提供)

盧巧音 (2)

2007-06-15T04:44:00.001+08:00

我覺得自己有種「完整癖」，買嘢時總愛買齊一套。例如當買本新連載嘅漫畫就想儲齊一套，雜誌又會想每期都keep住買，喜歡嘅band我又想有齊佢地嘅碟。結果當然大部份都儲吾齊啦，攪到房裡面充滿住零碎嘅雜誌同只得頭三四期嘅漫畫。話就話雖然我想儲齊同一隊band或歌手嘅碟，但茫茫歌海咁多正嘢，喺冇乜錢嘅情況下我都係選擇買多d吾同嘅嘢嚟聽，甚少能擁多隻同一名字下嘅碟。

難得地我卻有五隻盧巧音嘅碟:不需要...完美得可怕！, 貼近,色放, Muse, Fantasy...全部都係佢早期嘅作品(我都想買番第二隻碟 Miao...)。頭果四隻都好好聽，尢其是色放（深藍，色與情）更係我聽得最多而且最喜歡嘅一隻，我估亦都係盧巧音喺商業同口碑上都最好嘅一隻。之後嘅Muse（代你發夢，周未床上）同Fantasy （一個人在途上，風鈴）雖然都有幾首好聽嘅作品，但亦有幾首走得稍為偏鋒，吾係太啱我嘅口味，而且整隻碟就難令我留下深刻印象。

同時期另一方面，從佢形象可見唱片公司想谷佢popular d, 令佢有更廣嘅audience。於是就要佢出多d function接多d job，又拍戲又盛（典型香港藝人生存之道）。但可惜有d人就係要「柄」埋一二角，做個小衆偶像先能發揮佢魅力，散發一種類似孤芳自賞嘅氣質先至吸引，曝光太多反而等於推咗佢去死。可惜作為唱片公司嘅，梗係想你幫公司搵得越多越好啦，係咁boost, 我見到佢嘅“六樓後座 ” 同各種花邊新聞真係無眼睇。當其時，佢形象定位已經模糊不清不似人形，band女又吾係，做pop star又吾夠靚，演戲又太green。咁樣仲點生存？諗番起我冇再買佢嘅碟，可能吾係因為佢嘅歌變得冇咁好聽，而係佢嘅image實在慘不忍睹，令我吾再buy佢。

其後，佢d人氣都開始跌，好心分手果時極其量只能叫做回光返照吸引吓d Ｋ迷，之後又再浮浮沉沉。直至最近，聽講話佢出新碟，玩番佢原本嘅風格。我咁耐冇聽佢嘅歌，都想試支持吓以前喜歡過嘅佢，於是買咗佢隻新碟嚟試搵番果隻感覺，懷吓舊。聽罷佢隻新碟，佢嘅歌真係偏近番初出道時嘅風格，而且成張碟感覺完整，其實都算好聽。但畢竟相隔咗有五六年，我對佢嘅歌感覺已經不大。只好怪可能佢嘅各樣制肘太花時間擺脫，令佢回頭得太遲。

-

確實有時做歌手都幾慘，滿腔熱誠想唱吓歌啫，鬼識又上遊戲節目又拍戲又做show咩，除此之外，仲要識得兼顧埋自己個image，咁勁就做咗連環專才啦？所以，唱片公司d形象設計師好重要，尤其切忌入silly thing呢d＿＿公司，一來又新又冇經驗，二來又冇眼光又冇視野，剩係識推d潮流衛生巾（即係用完即棄），見到佢嘅所謂“artist"冇個撈得起。

見到Krusty就覺好笑，似無嚟性格嘅泥膠公仔咁俾silly thing班“形象設計師”左搓右揉，學習摸索「如何製造成功藝人」，攪到本來形象似Puffy(haha, 一時諗吾起有邊隊日本二人女子組合），而家唱國語歌時，曲風形象又突然變咗台灣妹，真離奇，聽講Adam鄭同兒興黃都要喺謎度講吓呢個靈異現象。

-

現時新一批女歌手中，我認為最討好嘅係謝安琪，唱得好而且有性格，難得形象亦兼故得宜。我覺得佢第時實會成為一線歌手。

謝安琪 - 姿色份子

盧巧音 (1)

2007-06-11T02:22:00.001+08:00

曾幾何時很喜歡盧巧音。

盧巧音喺Black & Blue年代嘅歌我未聽過，我係由佢做歌手時先認識佢。佢出道做歌手時嘅我讀緊中三四，果時冇乜聽歌嘅我覺得「咦，盧巧音以前玩band㗎？好似幾型wor, 首垃圾都幾好聽，等我買佢隻碟先。」

佢初出道時個形象都幾特別，吾算好rock, 但就有點indie、小眾，唱腔亦都同其他歌手吾同。喺淨係得一片糖衣女歌手嘅樂壇裡面出一個似係不懂妥協嘅盧巧音，我好快就俾佢吸引。佢嘅首張EP不需要...完美得可怕! 我當時仲係響九龍城廣場間HMV度買，間HMV都已經執咗好耐。

開始時嘅形象實在做得幾好，好feel到佢個人／風格／image嘅非主流／與衆不同。我當時見到呢隻碟嘅時候，覺得個封面好正；喺破舊嘅背景中襯托出一個倒轉的，穿著吊帶裙的盧巧音，整個感覺又頹糜又高貴。因為太少見cd封面會將歌手倒置，令當時亦未太多曝光的她更顯幾分神秘。

呢隻碟全五首歌嘅詞都由Wyman填，佢地兩個夾出嚟感覺其實幾好，但可惜，可能盧巧音自己吾鐘意呢類詞，佢地兩過喺呢隻碟之後無再合作，再合作時已經係好心分手。（好心分手嘅詞好吾好真係見仁見智）講番隻碟，雖然裡面得五首歌，但就做得非常精，五首歌都各有風格，而且好聽同襟聽。

總言之，盧巧音當時俾我感覺就係好吾似「香港歌手」。

盧巧音 - 垃圾

呆撚咗!

2007-06-10T02:38:00.001+08:00

隔嚟Ryan貼咗呢段片後，我喺冇乜心／生理準備下click嚟睇。
我第一次睇果時真係呆撚咗，再睇時已經忍吾住勁笑！！！哈哈哈！痴撚線㗎!
雖然呢條片可能已經好out,但我吾貼出嚟真係對吾住自己！

朋友們：

2007-06-09T16:41:00.001+08:00

我好少朋友寫blog, 數數手指，都得果兩三個。

Update得最密嘅就係隔嚟嘅Zyrix,大家得閒可以過去𥄫𥄫。

Jaclyn果個就間吾中寫吓自己嘢。（Jaclyn你讀成點?得閒reply吓我啦）

Ino就剛開咗blog冇耐，但嚴格嚟講淨係寫咗一篇，而呢排佢又要忙住玩佢部新買嘅Macbook,會吾會寫落去成一個疑問。

Sion好似開咗個account，但吾知佢有冇諗住寫呢？

剛啱Ryan琴日開咗個blog(nayr咩吖？擺明爆你真名），希望佢吾好三分鐘熱度啦...

最利害係佢地五個都互不相識，都係我吾同時期嘅同學。

On the journey towards happiness

2007-06-08T03:51:00.001+08:00

之前寫嗰篇難堪一二事好似感性咗少少，有d想補充令件事冇咁negative。

我們並非聖人，人誰無過，毫無缺點？我們只是揹著肉身嘅凡人。然而呢d小過錯，小缺點係表示我地係人嘅一個證明。佢地吾係我地身上永不磨滅嘅一個烙印，而係帶領通我地通往完善自身嘅人生旅程嘅一個啟發、一張通行證。

人生太短暫，短暫得容不下一個又一個未完成嘅夢想。只回望過錯實在浪費時光,倒不如及早卸下所有包袱，改變現狀。
我認為解決問題，學習獲得快樂，不停改進，先係做人嘅金科玉律。

我常幻想，梵高終生醉心藝術，用一輩子時間追尋心目中嘅完美，可惜卻半生潦倒，最後更精神失常、畢生未曾被人認同，於多年後才為人欣賞；成就別人眼中永垂不朽嘅美麗，自己卻未能嚐透快樂，值得嗎？
尼采的生命中鬱鬱不歡,自戀自閉自憐，即使看似讀通世情，那又如何？

如果我係佢地，我會寧願選擇生命中獲得快樂。

以上只不過係一個ex-pessimist嘅自白及從經歴中得到嘅小小洞見，如果你老早明白此道理,或從來未曾受過情緒困擾，當然不用理會呢d老土嘅道理。但如果覺得生活中過得吾開心嘅日子較多，喺未曾覓得更好嘅人生道理之前，不妨暫時拿來一用。

* * *

悶話講完，之後嘅post我地繼續笑談風月啦。
ps: 其實我都吾知標題On the journey towards happiness嘅grammar啱吾啱，但突然諗到就照用，hah!
pps: 送一首由一個ex-junkie改過自新後寫嘅歌

The Fray - How to save a life

借火!!!

2007-06-07T22:20:00.001+08:00

𨳒！覺得呢排個人好死，冇乜火。喺度發洩吓爆吓粗，換撚埋個刺眼嘅紅色底嚟發一發火！
覺得隻紅令你睇得好辛苦嘅人，對吾住喇，我會喺我有番火先會換番原本個白background。

BLACK REBEL MOTORCYCLE CLUB - WEAPON OF CHOICE

My Way

2007-06-05T22:45:00.001+08:00

異聞一則：上星期於東南亞某國家發生槍殺案一宗，事件中一死零傷。

案件發生在一所卡拉OK酒廊內，起因源於一男子挑選了Frank Sinatra的My Way來唱，點知男子唱到「走＿晒音，離＿晒罩」，令台下其他酒客感到非常困擾。有人善意相勸該男子停止歌唱，可惜男子堅持his way，繼續其「富獨特風格」的演繹，衆人鼓燥、亦無奈。忽然間實Q哥哥頂吾撚順，受男子歌聲影響令其腎上線素激增而且理志突然完全喪失，拔槍對準男子胸膛開槍，男子一擊斃命。
男子臨死時口中仍輕輕啍著 “The record shows... I took the blows...and did it my way..." (最後呢句純屬個人幻想）

探員Adam鄭及E興Wong稱此案並無可疑，與外星人及麥田圈等事無直接關聯。

special credit: Confide in me - 制止暴動，有必要開夠五槍

Frank Sinatra - My Way

衛斯理藍血人之民族自卑

2007-06-01T13:00:00.001+08:00

吾知你有冇睇過「衛斯理藍血人」，呢套係大約五年前嘅戲，由劉偉強拍，劉華擔正。

吾好誤會以為我講呢套戲點好點正，我對呢套嘢一d興趣都冇，淨係聽個名已經叫我不如去睇discovery channel好過。但係你都知有線d片成日播完又播播完又播播完又播播完又播...播到好似慌死你睇你吾到咁，結果某日就時運低，神推鬼擁咁睇咗呢部戲。諗番起嗰套嘢都忍吾住笑，故事裡面嗰d所謂科學實在on鳩離奇加兒戲，能夠好吾合理地發展劇情。d CG做得渣之餘，隻外星人仲利害，直頭係喺Biohard度借過嚟！呢個A貨外星人有九成真㗎！抑或個時已經興crossover呢？

記得有一段，劉華如天才般以雄辯姿態但用甩甩cut cut嘅英文嚟駁斥外藉茄呢菲科學專才嘅理論,然後個“外茄”立刻面露驚嘆神色再加多個欽敬且帶點異樣嘅眼神，（妖！個老外係咪gay㗎？）攪到我差d以為睇緊日本青春片，估緊個“外茄”係咪想對劉華講 “ senbai, Aishiteru 嘅呢 ! "
睇到呢度有d頂吾順，喂，阿導演係咪咁民族自卑，要踩低d鬼佬先能彰顯劉華係奇才？做咩要拍到呢埸戲咁很做作？

* * *

我總覺得亞州人係吾啱拍科幻（科學）片嘅。吾係因為人種問題，而係文化背景嘅因素。縱使你話乜嘢全球已經一體化，如果真係要將東西方用二分法一刀切，東方係屬於感性，而西方就偏向理性，因為歸根究底西方嘅科學及理性嘅發展源遠流長...(下刪百字）...總之無論係由於鬼佬d research真係做得好好多，定係因為你潛意識嘅條件反射，你一見到班白種人喺外國地方做背景拍嘅科幻（科學）片，就會好似俾鬼迷咁覺得件事非常合理。舉個反例，每晚十二點零見到歐陽振華喺洗冤錄道解剖驗屍，攪完一大輪之後解釋番件案，即使可能佢真係有科學根據，吾知點解我硬係覺得佢喺度吹水，心諗 “ay, Bobby~吾好玩啦~~”

* * *

諗諗吓，咦~~其實衛斯理藍血人都吾係好差jer, 套戲都好多位好好（嘲/恥）笑吖,誤樂性豐富。如果你覺得睇完十點幾果套溏心胸部呢類一路睇一路小但又繼續睇嘅劇吾夠喉，衛斯理藍血人真係一個吾錯嘅選擇。

忽然自戀

2007-06-01T00:59:00.002+08:00

呢張相大約攝於兩年前，背景係我以前在澳洲讀書時嘅房間。間房好正㗎，間格四正！房內除咗將被同衴頭外絕大部份家具都係白色，（因為連被同衴頭都白色太似醫院）令到間房睇落去好舒服同乾淨，感覺有幾分Mac又有幾分Martin Margiela, 雖然當時我仍未用Mac而我至今亦未著過Martin Margiela。仲有一樣嘢正，就係間房有埋自己嘅露台，woow～個感覺好到呢～但依家就辛酸囉，住喺一個三十零平方呎嘅雜物房度，想呼吸都覺得有d困難。有機會等我post吓依家間房。

難堪一二事

2007-05-31T03:20:00.001+08:00

由細到大，我都吾喜歡約束自己，成日鍾意做乜就做乜，吾去理後果，結果常常攪到一鑊泡要人執手尾，自己仲要好似覺得無錯咁。錯得太多，亦都試過錯得太大，而且隨著漸漸長大，做人總不能太過吊兒啷噹，要學變得成熟，有番些少應有嘅責任感。然而仍有太多陋習未除,理財就係我其中一個死穴。我d錢常常洗到好盡，攪到有時月尾要問朋友借，縱使數目吾大，朋友通常能夠幫都會幫，但畢竟咁大個人連呢d小事都攪吾掂，暗自都覺得幾醜。

借錢呢個情況都有一段時間冇發生，但今個月又嚟番料，朋友間熟絡d嘅能借嘅都借咗俾我，可惜最後都吾夠。眼見自己攪吾掂開始有d發矛，吾知點算好。最後喺千萬個不情願之下問同住嘅舅父借錢，因為我實在吾想攪到佢地亦吾想俾佢地知自己吾掂。舅父沒有多話，只爽快借俾我。但我心裡面就非常難堪同覺得自己樣衰。

記得讀中一二時，常常把零用錢洗突，夠膽死可以連兩個幾嘅巴士錢都吾夠。因為司機通常都吾會理你入幾錢，或者見到吾夠都廢事出聲，而我就藉著咁樣，十分厚顏無恥地淨係入一兩毫（！）。我試過好多次都行得通，但一次，司機開聲斥責，而我身上亦無錢可俾，唯有硬住頭皮照搭可也。但自此之後吾敢再付吾足款。

往事不勘回首，真係想未曾發生過呢d事，咁嘅事點好意思話俾人知。
寫出嚟大致為咗令自己舒服d、放低一些心裡面嘅小包袱。而且有時都想對自己坦白一點。

呢排心情低落，吾知係因為無錢令到我d安全感無q晒,定係因為上星期六見番好耐無見嘅朋友R，俾佢撻番著個Depression mode。朋友R係個同我諗法、感覺相近嘅人，都係有點dark dark地，但係我努力嘗試離開呢個depression hell,而我亦真係差吾多脫離晒，但一些話又令我諗番起以前嘅我。喂~我d anxiety已經 self-cure得七七八八，吾好拉番我轉頭呀~

講番借錢，無論你地睇吾睇到呢篇嘢，我都要講句吾好意思同吾該俾咁多個借緊錢或者借過錢俾我嘅朋友，並誓神擗願永遠吾會因為吾識節制而再去問你地借錢，以此post為鑑。

Feist

2007-05-30T00:50:00.001+08:00

我有時會去吓itunes Store道睇吓外國而家最好賣嘅係咩band同歌手，然後試吓有邊隻碟啱聽。如果撞啱搵到d香港未太紅、仍未有太多人介紹嘅碟就會特別開心。最近我就搵到呢隻 Feist 嘅 The Reminder。我首先就係俾呢個封面吸引，然後才會入去試聽。
成隻碟幾好聽㗎，係我呢排最常聽嘅其中一隻碟。佢把聲都幾有感染力吓，唱嗰時雖然吾係歇斯底里怨天怨地，但就硬係feel到有少少淡淡然嘅慘mood，好抒情。我放工最鐘意聽呢d歌，番咗成日工已經倦倦哋，如果仲要聽埋d好"行"好噪嘅歌真係頂吾住。呢類嘅歌好似能消除我d累意咁，所以特別令我覺得舒服。
有興趣搵嚟聽吓，值得一聽㗎。

Feist - So Sorry